╝═◄والله غير نوقف يقتلك بالضحك ،، ذكريات السنة الثالثة ،، روووعة ادخل نحي على خاطرك ...

[kosovi10]

السلام عليكم ،، هـــاذي موقف وآحد آآخر يقتل بالضحـــكـ .....

في حصـــة الفرنسية دايماً في السنــة الثالثة * الفصـــل الثالث * بقدر ما أتــذكر .. قــالنا أستــاذ الفرنسية أكتبـــولي فقرة - Expression Ecrite - على كيفـــــاش نحضـــرو كعكة أو حلويــات يعني / recette / آيا كل وآحد وش يديــــر وآحد مسكوتشو ، وآحــد المقروط ، وآحد بقـــلاوة كل وآحد وش يعـــرف يطبخ ،، ............. وأنــا معروف بلي نقرآآ فرونسي وNspeakiha نـورمال آيا وآحدة مسكينة دائماً تقرآ مورايا قاع يضحكو عليهــا - مهرجة - ،، قــاعدة تحلَل فيَا بــاش نكتبلها الفقرة وأنا نقــووولها آخطيني ماعنديش الوقت نكتب لروحي وليــك ديرونجمون كبير دآآرتلــي ..

مآلا قررت أنا وصاحبي ( هذا ثاني يحلل فيا ) !! نديرولهــا حاجة نندموهــا .. مالا خطرت في بالي فكرة جهنمية مواها مواها ها ها !!

قتلها اعطيني الورقة نكتبلك بشرط ماتكونش طويلة ،، مسكينة آمنتني وقاعد غير تشكر فيا ... وبديت الكارثة ديالي .. !!

************************************************** *******************

كي عطــاتني الورقة بنيَتها بديت نكتبلهـــا وآحد الأغنيـــة مشهورة ( مــانعرف ويلا تعرفوهــا ؟؟!: ) ...نسيت المغني ولكــن المُهم مانسيتش الأغنيــة ... وبديت نكتبها بالفـرونسية كي شغل فقرة باش تأمني . الأغنية هي إني كايفن كليمونطاين نتاع مغني دزيري مانعرفوش بصح تقتل بالضحك وبديــ ت ..

d'abord


Ini cayvan , ini cayvan , srabtiine formayan , wad mayan forty-nine edition climentayan

ni cayvan , ini cayvan , srabtiine formayan , wad mayan forty-nine edition climentayan

et tout ça pour obtenir un gateau qui vraiment :

ni cayvan , ini cayvan , srabtiine formayan , wad mayan forty-nine edition climentayan

كي عطيتلها الــورقة أنا ميت بالضحك كي قريب مامت فعلاً من الضحك وهي مسكينة تشكر وتزيييد .. قاتلي وظفتلي كلش فيها قتلها خسارة عليك ههههه والله غير وجهي حمار من الضحك قريب انفاجر ...

************************************************** ************************************************** ****

.. تآآبع
ونــهار درنــآآ التصحيح - COMPTE RENDU - عند أستــاذ الفرونسي بدآ يمد في الوراقي وأنا نستنا في ورقتــها نستنا في أسم ســارة ، ســارة ... !!

والأستــاذ علابالو وش راهو يدير .. خلى الورقة ديالها مع لخر الوليمة نتاع ليوم .... وانا بديت نفيق للقصة كيفاش راهي تدور والسيناريو كنت عــارفو ..

ومسكينة هي ماكانتش لاتية قتلكم ماشي نتاع قراية ... ،، امبعدة قلنا سآآرة ... !! بأعلى صوت سارة يعني كي شغل راهو يقدملنا فيها .. !! ..

امبعدة هو الشيخ ديالنا أنتيك يعرف يسمع الغنى وكبير ،،، الغنية يعرفها باللحن ديالها .. وبدأ يغني / احي احي !! ايني كايفن ، ايني كايفن سرابتين فورماين واد ماين فورتي ناين ..

وانا ميت بالضحك والتلاميذ قاع يضحكو معايا ... بلا سبة بلا معنة يضحكو قاع معايا .. وهي سارة ماشي فاهمة قاع .. ..

امبعد قالها صاحبي بلي كنت نتمسخر بها وكتبتلها غنية ماشي فقرة ،، تشوووووكات وجهــا حمر طوماطيش .. !! .. تبهديلة كبيرة والأستاذ مزية أنتيك مايحبش يحرق ،، قالها والله غير تقوليلي شكون كتبهلك وهي ساكتة حشمتــــــــــــ قريب تموت والتلاميذ ميتين بالضحك ...

ابمعدة اعترفت بلي أنا كتبتها وشدني من وذني قالي كيفاه تتمسخر بيها * كان يقصر * ... ،، ا مع لخر هاذي القصة لاتنسى في قسم السنة الثالثة وشاعت في قاع المسيد ،، مزية استاذ هايل مدانيش لمجلس التأديب ،، وليت شايع بالقصة هاذي .. وأستاذ من هذاك الوقت خذا انطباع اخر لأنو ماشي قاع موالف ندير الفوضى والشغب عندو ... ولا يعيطلي حسـان طيرو !!

عجبتكــــم الحكاية دورك ولا لآ لآ ؟؟