الى متى؟وما هو الحل؟

[رقة الحياة]

أولا أشكرك جزيل الشكر على الموضوع القيم

و في الحقيقة يا أختي إنه مشكل منتشر في كل الجامعات الجزائرية ما نقولوش كل الاساتذة

لكن الكثير منهم يمنحون النقاط لمن لا يستحقها واحد عندو معرفة ولا فتاة جميلة حتى و ان كانت غبية

تدي نقطة مليحة لا حول و لا قوة الا بالله حسبنا الله و نعم الوكيل نوكلو عليهم ربي عديمي الاخلاق

أنا راني معمر من هذه النقطة بالذات و لوكان نبدا نعبر ما فراتش

تخيلو أن هناك أستاذ ( نعرفو ) ناقص من عينيه ما يشوفش الورقة نتاع الاجابة أصلا ينقط على حساب الاسم اذا كان الاسم ينتهي بتاء التأنيث يحط 15 فما فوق و اذا كان اسم ذكر خالي من تاء التأنيث العلامة من 5 و اهبط و هذي قصة واقعية يدرس عندو طالب كتب في ورقة الاجابة اسمه و زاد ( ة ) في آخر الاسم مثلا هو سعيد رجع سعيدة نهار لافيشاج عطاه 15 كي راح هذاك الطالب يصحح في الغلطة قال للاستاذ ( خسارة فيه كلمة استاذ ) يا الشيخ راني نسيت ما كتبتش اسمي صحيح و زدت التاء تعرفوا وش قالو ................................ قالو يا وليدي راك فكرتني حتى أنا راني نسيت الفاصلة بين الواحد و الخمسة رجعهالو 1,5

و في الأخير أدعو جميع الطلبة و الطالبات أنهم ما يسكتوش على هذا الظلم فما ضاع حق وراءه طالب

ديرلو استشارة ديكلاري بيه و يلا كان ما نفع والو العصى لمن عصى و بطل العام نوووووووورمال