أريدها معقدة

[نسائم الهدى]

يا حسرااااااااااااااااه كاااااااااامل تتمناو واحدة معقدة؟؟؟؟؟؟؟؟
إذا أنا علاش مازالني قاعدة في دار بابا؟؟؟؟؟؟؟؟؟؟؟؟؟
تحوسوا على واحدة معقدة؟؟؟؟؟؟؟
ما ضحكتونيش لالا بكيتوني
بكيتوني في وقت كنت هدا وين بديت نلملم في شتاتي
هدا وين بديت نضحك ونتكلم
معقدة؟؟؟معقدة؟؟؟معقدة؟؟؟
تعرفوا واش معناتها هادي الكلمة؟؟؟؟؟؟؟؟
معناتها تشوفي زوجات إخوتك اللي صغار عليك ب 4 و5 و6 سنوات عندهم بيبي يقوللهم ماما وانتي مازال حابسة والحياة تمشي قدامك.
معناها تروحي لطبيب وتتلاقاي بجارتك اللي كانت مقطعة السمك وذيلها كيما يقولوا المصاروة ومشاة مع 5 أو 6 شباب وما خفي كان أعظم, جابت بنتها الصغيرة لعند الطبيب والكبيرة تلعب مع باباها برا وراهي حامل بالبيبي الثالث.
معناها نهار تجي بنت عمك لعندكم وبنتها تمشي قدامها وتقعد تحكي قالي هكدا وقلتلوا هكدا وتقولك وعلاش تتحسري ولا تزعفي روحك مازالكي صغيرة والحياة قدامك ونصيبك إدا ما جاك اليوم يجيك غدوا..........وتقعدي تسمعيلها ومخك وصل لبعييييييييييييد للنهار اللي دخلت فيه تقرا وكنت انت تعلميها تقرا وتكتب لأنها صغيرة عليك ب 9 سنييييييييييييين.......تقولك مازالكي صغيرة وهي اللي كي وصلت 18 وما جاش خطبها هداك السيد قريب راحت هي خطباتوا.....وأنا في 28 ومازالني صغيرة.
تعرف أنا دائما كي نشوف بنات كيما هاك عايشين ومستورين وبولادهم وبديارهم نقول لماما وعلاش ما ولدتينيش رخيصة وبدون ضمير أو مبادئ أو أخلاق؟؟؟علاش هوما مشاو مع 20 واحد وفي الأخير تزوجوا وأنا اللي حرمت نفسي من كلش باش ما نخونش أبي وخاوتي ومبادئي وأخلاقي وقبل كل شيء باش ما نخونش ديني مازالني قاعدة في وجهك وحارماتك من أنك ترفعي راسك بين نساء العائلة وتفخري بكونك أم العروسة؟؟؟
شفت خويا سفيان المعقدة كيما راك تقول وين توصل؟تقعد كي الحابسة تفرح لفرح الناس وفي الأخير تصيب الناس كامل مع بعض وهي وحدها.
واش نقولك خويا سفيان أذن الشيخ لصلاة الظهر نروح نصلي خيرلي عسى أن يفرج الله علي ويرزقني بزوج معقد مثلي في أقرب الآجال
حفظكم الله ورعاكم ورزقكم على حسب نيتكم
والسلام عليكم