الجالية العربية في الجزائر؟؟؟؟؟

[لوجين]

أولا نشكرك موضوع فعلا مميز وستاهل النقاش

المشاركة الأصلية كتبت بواسطة الامينة دائما

السلام عليكم
اردت ان اناقش معكم موضوع كثيرا ما استغربه
وهو نقص الجالية العربية في الجزائر
ترى لماذا؟
حسب رايي ان اهم الاسباب لي خلات الجالية العربية تعزف عن الجزائر هي العشرية السوداء كان لها الأثر السلبي على الفرد والمجتمع الجزائري وعلى كل المجالات

فانا الاحظ ان معظم الدول تختلط فيها الشعوب و الجنسيات إلا الجزائر
فلماذا يعزف العرب عن الجزائر؟

يقولوا اول نظرة آخر نظرة العرب رسموا صورة واحدة عن الجزائر و رفضوا يغيروها في الوقت الحالي والحمد لله نعتبر من أكثر البلدان أمن وإستقرار ونظن أن قبل ما نخدموا باه نوفروا المنشآت السياحية لازم نحسنوا ونعملوا على هذا الجانب ....والإعلام هو الوحيد القادر على تحسين الصورة وإعطاء الصورة الحقيقية عن الجزائر لكن للأسف إعلامنا0000000000000 تحت الضعيف

بالرغم من الفرص التي تتاح لهم فيها
لماذا لا تعد الجزائر قبلة سياحية و لا عملية؟

ربما بالنسبة للعرب اما الاجانب فالشركات الأجنبية غزت الجزائر فرنسية إيطالية ألمانية ..........

المشاركة الأصلية كتبت بواسطة عطر الملكة

هناك اسباب عديدة
اولا العشرية السوداء و اثارها على الجزائر و هذي من اهم اثارها تخوف الاجانب من المجئ للجزائر و لو لمجرد السياحة
ثانيا احنا عندنا امكانيات سياحية صحيح هذ الشي لكن ابدا مش مستغلة بالشكل الجيد

في هذي راني معاك

اضافة لشيء كثير مهم و اسمحولي على صراحتي احنا اصلا ما عندنا معاملة و لا ثقافة سياحية نعطيك مثال لو رحنا لمصر مثلا نلقاو عادي ناس تلمع احذية و ناس تشيل الحقائب عادي ما عندهم اي مشكل مع الامر في حين هاك نوع من المعاملة عند العقلية الجزائرية يعتبر شي يمس كرامته واش تحبي عقلية .dz

أسمحيلي ختي نقولك ان المعاملة السياحية تختلف عن الكلام لي قلتيه ممكن تكون ناقصتنا الثقافة السياحية لكن من جانب آخر المجتمع الجزائري ورغم التطور لي نعيشوه فمجتمعنا محافظ جدا ومايقبلش كثير من تصرفات السياح من لباس وأكل ووووو

نجو للأهم و دايما مرتبط بالعقلية .dz العصبية و التكسير بمناسبة و من غير مناسبة على الصعيد الاقتصادي هذا شي يمس باقتصادنا و اكبر دليل على هذ الشي وقت مشكل الماتش نتاع مصر الجزائر بعض شبابنا ربي يهديه فضل يكسر في شركة جيزي

هذا موضوع مختلف وخاطي السياحة وعندهم الحق في كلشي داروه هذيك حكاية خلاف وعندها سبب

اضافة لمعاملتهم مع المصريين المقيمين هنا برايك هذ العقلية تعطي سمعة مليحة على البلد و لا تشجع المستثمرين على القدوم للجزائر و هذ شي يضر باقتصاد البلد

أنا نحكيلك على لي شفتوا بعيني عندنا في قسنطينة كاين حي فيه غير المصريين والله واحد ما قدم ليه ولاا قاللهم حاجة حتى محلاتهم واحد ما مسها وما كسرها فقط وباه نكون صريحة معاك فقط فقط ولينا ما نشريوش من عندهم وهذي بعد الشيء لي صرى واحد ما يلومنا