الذي يريد أن يتزوج أو حتي يخطب يدخل

[~*لوفي*~]

وعليكم السلام

عباد كما هذا ليقبلو بهذه الشروط هما لطيحوا علينا البق

والغاشي رجعت كامل تشرط

كان جيت في مكانوا نرد على باباها


--------------------------

ياعمو ان جيت نسترها ....منجيتش نقسيسك شحال سومتها
نيتي نتزوجها تفرحني ونفرحها...ماشي هي مانكا وانا البنكا لتمولها

اذا تخفف علينا نبينا ووعليه صلينا..اما اذا تقعد جاهل هكذا
نقولك ربي يجبلك الفرد ليديها مي راح تخلص نهار تتوحشها وتحب تشوفها

ومن حقوا يطلب مليون لكل نظرة عليها لانوا شراها بسومة غالية ولازم يرجع شوية من لخسارة
وهذي هي التجارة .... شطارة ربحا او خسارة

اليوم حسيت روحك ربحت المال والغنيمة
مي اعرف بلي خسرت راجل وخسرت لعزيزة

وبنتك داها مول الشكارة ...ماشي راجل ليستهالها ويسترها
نهار تروح شكارة يجي يرميلك بنتك ويقولك خلاص معنديش واش نوكلها

مجرد خربشات حضرة ضركا

ودمتم سالمين وربي يزوجنا ويوزجكم ببنت الاصل والعائلة الكريمة