فوري نوار بالفريز من مطبخي

[ياسمين177]

بعد بسم الله السلام عليكم
عندنا ثلاث مراحل سهلة وبسيطة
اولا صلصة الفريز: نقطع كمية من الفريز ونضيفلها مغرف صغيرة عصير ليمون ونص كاس سكر ونديرها على النار لمدة 5دونحها.
الكيك:اولا نغربل المواد الجافة مع بعض وهي:1كاس وربع فرينة+ ربع ملعقة صغيرة ملح +ثلاث ارباع الكاس كاكاو+1 خمارة نغربلهم ونخليهم جانبا
ثم نخبط 5 بيضات مع 2 كيسان سكر والفاني ثم نضيف نص كاس زيت وثلاث ارباع كاس حليب سائل ونخلط + خليط الفرينة حتى يصبح خليط الكيك جاهز هذه المقاديرندير 2 كيكات في مول متوسط نطيب الاولى ثم نطيب الثانية اي نفس خليط الكيك نقسم الى اثنين يعني تجي 2 كيكات انا درت مول على شكل قلب



ثم كل كيكة نقسمها الى 2 اي يصبح عندنا اربع قطع



نحضر كريم شانتي: 100غ بودرة شانتي 2 مغارف سكر ناعم + فاني + تقريبا كاس ماء بارد نخبط بالباتور حتى تصبح كريمة متماسكة.
ناخذ انصاف الفريز ونغطسهم في الشكولا للتزيين



ناخذ القطعة الاولى تاع الكيك ونديرطبقة من الفريز



ثم طبقة من الكريم شانتي




ثم كيك حتى نكمل الاربع طبقات بنفس الطريقة



ثم نغطي الكيكة كامل بالكريمة



ثم نرشها بالشيكولة مبشورة او فرميسال وتزوقي بانصاف الفريز وتقدم