عندي سؤالين مهمين..........

[عرجون]

لصقي اللاسي على الرشمة الي تعمليها على قماش يكون خشين

اخدمي مثل غرزة الفلة نتاع المسلول



قطعي الخيط اللي لصقتي به اللاسي على القماش

نقي العمل نتاعك من الخيوط واقلبيه التحت هو الوجه

وهذه النتيجة
اعلى بالي بلي راهي كارثة ولكن بغيت نشرح لك الطريقة فقط وما عنديش الحوايج راني خدمت بالكوردون خشين ويابس
لما تعملي اللاسي راه طري وتشكليه كيمة تحبي وحتى الخيط ما عنديش واحد مليح يعني راني سقدتها برك باه تعرفي
الطريقة راهي مختلفة شوي على ما قلت لك من قبل بصح هذه خير من القديمة اللي نعرفها لا فيها ورق ولا تشماخ في الماء
وهذا ما قدرت عليه حاليا جربي انت واتقني ولخرجت راني نشري الحوايج ونعاود واحد مليح ونوريه لك
راهم كاين غرز اخرين ان شاء الله نوريهم لك