نداء الي اصحاب شهادة الدراسات الجامعية التطبيقية

[azizdhs]

السلام عليكم
هاذا الرد لأخ khemis + gogo85
فقط نسألكم هل عندكم شهادة بكالوريا و هل درستم في الجامعة ..
شيء اخر هاذوا أصحاب شهادة دراسات تطبيقية يوجد حوالي 900 الف حامل لهذه الشهادة منذ بداية تطبيق هاذا النظام في الجامعات الجزائرية و ناس راهي قرات في الجامعة ببكالوريا 94 و 96 و 98 يعني سنوات كانت نسبة النجاح 5 بالمئة 10 بالمئة على الأكثر على المستوى الوطني .. يعني الباك كان بقيمتوا ...
و اما القضية تاع الميدان و المردود و منعرف واش .. هاذي كذب في كذب و الجزائر قاع كما راهي مكاش الي يخدم مسقم ... تشوف مثلا ناس عندها ليسانس في التسويق او تقني سامي في التسويق وتخدم متصرف إداري .. حاجة لا علاقة .. يرحم باباك وين راهي المؤسسة الي تعتمد على التسويق .. و لوكان تحوس في الانترنت تلقى الشركات الأجنبية يحوسوا عليهم بالشمعة .. على ذيك في بلادنا الخدمة و القرايا مهمش قاع كيف كيف ... و لوكان جات المردود تاعكم مليح كما راك تقول لوكان رانا بلاد مطورة كما اليابان .. يا أخي أنا ديرلي ناس تتكون في تخصصات باينة مثلا البناء .. باش منجيبوش العمال من الصين و الترك و مصر يخدموا في بلادنا .. مشي ديرلي تخصص سموه GRH في التكوين المهني .. و البلاد فيها ملايين اليسانس و المهنديسين و deua بلا خدمة
يا أخي كونك إنسان واقعي و منطقي ..
الجزائر دارت زعما إصلاحات و الأيام بينت أن الإصلاح تاع تعليم العالي غلط في غلط و الدليل على ذالك الإضرابات الطلبة .. الكل يطالب بإعادة النظر في التصنيف الغير العادل .. اليسانس المهنديسين .. الطب .. الصيدلة ... الخ
و في الأخير حاب نسقسيك كلمة وحدة برك ..
هل بالتكوين المهني أنت تقدر تواصل الدراسة في الخارج .... أكيد لا لأنهم سوف يطلبون منك شهادةة البكالوريا
و حامل سهادة bac+3 هل يستطيع المواصلة الدراسة في الخارج .. أكيد نعم و يوجد العديد من الجزائرين عندهم deua و هم الان ف كندا و فرنسا و ....
يعني الفرق واضع التكون المهني لا يساوي بكالوريا + 3