حوادث وكوارث*****

[نور الايام]

بارك الله فيك اختي النسر الآمل على الموضوع المثير
عن نفسي لم يقع شيئ معي خطير فقط ما اسمع به ممن هم حولي

المشاركة الأصلية كتبت بواسطة thorpe

السلام عليكم
موضوع جميل بالفعل وفريد من نوعه اخت النسر الامل

سوف اروي لك قصة ذات يوم حدثت معي شفت الموت بين عيني وربي الي ستر هههههه

كنت بعمر 16 سنة او 17 لست اذكر جيدا
في فصل الصيف راكي عارفة الناس كلها تقصد البحر للاستجمام في الصيف
ذات ليلة اتفقنا انا وصديقان لي على الذهاب غدا الى البحر وكانت الوجهة احدى شواطئ القل كنا متلهفين للبحر تلك الايام وراكي عارفة المراهقة وما تفعل
المهم في الصباح نضت رايح نفطر لقيت امي واقفة قدامي قاتلي ما تروحش وحدك راني مانيش مرتاحة ...... قلب الام خير دليل لها
انا اصريت وقلتلها لا لا والله نروح صحابي راهم يستناو فيا
درت رايي لكن هي ما ارتاحتش وانا راكب في الحافلة مع صحابي نلقى اخي الاكبر مني هو وصاحبو لحقوني
صاحبو من معارفي لانو كان عضو باحدى فرق السباحة
المهم رحنا وانا جد جد متشوق للبحر
ههههه المصيبة لحقنا لقينا العلم احمر صراحة كون تشوفي البحر كيفاه مقلوب تقولي كون دارو العلم الاسود احسن هههه
شاف معاي خويا قالي اسمع راك تشوف في البحر غير ماكالاه تلعبها فوندام ههه
قلتلو والله نعوم كيفاش نشقى من قسنطينة حتى هنا بلا ما ندخل نعوم
ايا غمزني صابو وقالي ما تجادلوش ضرك نعومو كيف كيف هههه كنا الاثنين منخرطين بفرق السباحة
المهم ياو والله لون ماء البحر بني الرمل العميق صعد على السطح من شدة هول وهيجان البحر
لازمك تبعد بزااااااااف باش تلقى الماء يبدى يصفى شوي
ايا عطيناها في زوج هو قبلي وانا وراه رحنا ورحنا ورحنا بعيييييييد حتى نسمعو في الصافرات نتاع الحماية المدنية تنادي علينا
دورنا لقيناهم يلوحو علينا باش نرجعو
ياو ماجينا رجعنا بالذراع
تقدري تقولي كل الجهد استهلكناه في العودة لانو التيار كان قوي جدا
المهم خرجت شبع فيا سبان الحماية المدنية ههههههه عندو الحق صراحة
ايا غفلناهم شوي وزدنا دخلنا
كانت منطقة يجبد فيها التيار بشكل رهيييييييييب جدا ما حسيناش في الاول لكن من بعد حسينا كي لقينا رواحنا ما قدرناش نرجعو
انا خلعت ههههه تفكرت امي كي قاتلي ما تروحش راهي ماشي مرتاحة
صراحة شريط حياتي كلو مر بين عيني
خلعت اكثر كي شفت حتى صديق اخي الاكبر مني وكان امهر مني واقدم مني في في السباحة
هو عرف بلي انا خلعت
قالي اتكالما
انا وليت نقولو يا معاذ راني ما فهمتش علاش رانا ما نقدموش
هو الي اتكالما ما تخلعش وشبيك
صراحة وليت غير نشهد
ومن بعد قالي هيا نعيطو للحماية بالاك يشوفونا
ولينا نلوحو بيدينا والتيار يسحب فينا تصدقي بالله المكان عميق لكن كنا نحسو بالرملة بين رجلينا وكانو الريح تحت الماء
وين كانت الخلعة والمصيبة اكبر انو الحماية المدنية رفضت ان تاتي ما حبوش يريسكيو بحياتهم ههههه
ايماجيني الناس الي فالشاطئ كامل وقفوا يشوفو معانا ولا واحد قدر يجي
التعب انهكنا والبحر يدي فينا والكل يتفرج من بعيد
الحمد لله كنا متمرسين وما شربناش الماء يعني الشيء الي هلكنا هو التعب
المهم شاف معاي وقالي شوف حسين
هيا خويا ما تخافش وابذل مجهود لازم نخرجو
صراحة لثم قررت تكون المحاولة الاخيرة
قلت اذا قدرت نخرج راني نخرج واذا كتب ربي نموت لا زمني من ننساش التشهد كنت نشهد كل دقيقة
عقدنا العزم حط وجهك فيالماء وعطيناها نجذفو باقصى وة دون التوقف ههههه وكاني هارب من الموت باقصى قوة ايه هكا كنت نشوف فيها
المهم في الاخير قدرة الله فوق كل شيء وبعدها الحمد لله كنا متمرسان
غير لمسو رجلينا الرمل تحت الماء وقدرت نوقف لثم صراحة حمدت ربي صح ووكنت تعبان والامواج تلطمني وتدفعني
هههه هاذوك الحماية الي كانو ينظرونا الينا هربو
غير قربنا من الخروج لقينا ثلاث شباب جاو ساعدونا لانو كنا صح تعبانين وحسبونا شربنا الماء هههه ايا لقاونا قاويين ما شربنا ما والو غير تعبنا
هههه العجائز نسمع فيهم يقولو
الحمد لله الي ستركم يا وليداتي كامل كنا ندعيولكم
هههه
في قلبي قلت كون ما احاجات دعاونا كون طفرت فينا
من بعد رحت قدام خويا هو كان بعيد وما توله بوالو ههههه
حتى قالولو صحابي
قالي ريح هنا وما تزيدش تدخل
قلتلو وي عندك الحق هنا نعوم في الرملة ههههههه
من بعد وين زدت عرفت بلي صح ربي سترني من الموت كي شفت المكان الي قريب مت فيه غرقو فيه 8 شبان بعدنا واحد ما قدر يرجع وكاين الي خرجوه الحماية لانو كثر عددهم كي انتصف النهار
الفلوكة 2 ولا 3 مرات يحبو يدخلوها ما يقدروش لانو تقلبها الموجة
ولاو الحماية يربطو البال في بعضهم باش يجبدو الناس
هههههه
من هاذاك النهار حتى وكون نعود انا هو ثورب الحقيقي كي نلقى البحر هايج بزااااااااااف ما نبعدش وما نريسكيش
هههه
قصة طويلة ياك ؟

حمدا لله على سلامتك اخي ثورب
ربي حفظك بصح واش اداك تعوم و لعلام احمر سلكتي بفضل ربي و من بعده دعاوي الوالدة "ربي يحفظهالك"

تعرف اخي ثورب و الله تفكرت وحدة قسنطينية
انا كنت صغيرة بصح لبحر فالصيف عايشين فيه و بالتالي في السباحة ما شاء الله
دخلت للبحر و بعدت بزاف و نشوف في هاذ الطفلة لاحقة فيا و تكبرني في السن كي شافتني صغيرة في بالها لبحر مش عميق شوية نلقى وجهها تبدل و هي تعيط عليا اختي ارواحي اجبديني ، تاع الصح تخلعت و مالقيت واش انديرلها اصلا محال نقدرلها من بعد عيطت على ليبومبيي و هما سلكوها و الحمد لله.

ربي يحفظ الجميع لبحر صعيب