اهداف قناة الجزيرة في الجزائر من دون تعليق..الصورة تتكلم

[¨°o.سيدو~علالو.o°¨]

المشاركة الأصلية كتبت بواسطة النسر الآمل

السلام عليكم

قالك لمثل عاند ولا تحاسد ..قناة الجزيرة حبيتوا ولا كرهتوا حب كل عربي ..روح سقسي أي واحد كان قوله واش تبع الاخبار مباشر واش قولك .................الجزيرة.........ولا يقلك نتبع ليتيمة .....شوف مصر قمر صناعي ....الاف قنوات وفي وقت الشدة لقات ...الجزيرة .........يعني هذوا الحكام ماراهم حابين لجزيرة ولا غيرها ......لكان صابو محاو الاقمار بالانترنت بالجرائد ........يا سيدي معجبتكمش الجزيرة .....وعلاش مداروش قنوات شفافية مراهيش القاعدة امريكية تحتها بل بترول ......عدة دول ..وشعوبها يستناو في الجزيرة ولاو هبلوا باش يعرفو ترددها لجديد وين راهي كاينة ..........والله عيب أموال طايلة وعلاش متنافسوهاش ويحطموها بدل ...أننا نتحسر فيها ........دولة صغيرة مثل قطر وقدرت تجبلها مكانة كبيرة لبلادها ...ايه نعم قناة تساوي دولة إضافية لدول العربية عندها وزن وقيمة ...وعندها كلمة وتنافس الحكام ..........لكن الحكام يملاو بنوك سويسرا ....باش يعملوا علام حر ونزيه ..هذاك في الاحلام ..الجزيرة متعضش الايد لتطعمها مهما كان ........هي تسب في الماريكان واليهود مهما تعاملت معاهم ..........لكن عندها سياستها في تعامل ...بحكمة وذكاء ................انا لا احبذ الجزيرة وكيف توقد النار في الهششيم ...لكن احييي ذكاء الخارق لمسؤوليها ..........رغم مآسيها ...إستطاعت تحطيم الاف من قنوات الزبالة.......... حاشا البعض منهم ....................شكرا لك

المشاركة الأصلية كتبت بواسطة mahdi16

القافلة تسير والكلاب تنبح

المشاركة الأصلية كتبت بواسطة كمال المشتاق للجنان

اما على الموضوع





النظام في الجزائر امكر بكثير من النظام في مصر وتونس

واخبث واقذر


وخير دليل انه نجح في جعل الكثير من الغاشي وحتى الزوالية في الدفاع عليه وهو رااااااقد ويمونجي وياكل في الدراهم الشعب والشعب يقوول تحيا النظام تحيا .....................


وخوف الكثيرين من عودة سنوات الدماء الذي لن يصنعها الا هو
والذي كان هو احد اهم اسبابها

وهدرة زوج يبلعطوكم بأن الدراسة باطل والعلاج باطل





ارقد يا الشعب وزيد

شعب يتشرى بكلو سكر وقرعة زيد واش يجيك منو


قال الجزيرة دير ثورة

ههههههههههه

الثورة في تونس ومصر

دراتها القنوات الدينة الى اعادة نشر الدين وفهمه وسط الكثير من الشباب
عكس ما كبر عليه الاباء في دين هو الاقرب الى اسلام فرسنا
وتعلمو غير من الزوايا ومن الولاة


ولم يكون يعرفو شيئا عن ابي بكر وعمر وعثمان وعلي و ......
الا بأنهم صحابة الرسول صلى الله عليه وسلم فقط


ولم انتشر الدين الحقيقي الشباب لم يعودوا يخشون من اظهار الحق

وان كان نفس الشباب يركبون الكثير من الذنوب والخطايا الا ان عقيدتهم صحيحة وهي الاساس

ولم عرف الاعداء ما فعلته هذه القنوات بدأو يحاربوها حتى اغلقو اكثرها

وبدأ في نشر قنوات تتدعي الدين لكن عاقدتها مغلطة




ومزال تزيد تعرف الكثير الكثير

ومتسمعش ليقولك انا نحب الجزاير وهو ياكل في ثرواتهم ويوزعها على من شاء وتأمنوا
ويوقلك الجزيرة حابة تفسد تقولو ايه مالا نكرها


لو لم تكشف فضائحهم ما كروها وما طردوها من الجزائر




مزال تزيد تكبر وتفهم


ومتخليهمش يردوك وسيلة دفاع عنهم وهم ياكلو كما يحبو ويزودوا

وحبهم ليس من الجزائر


سلام

وعليكم
ياجماعة انا لست ضد قناة الجزيرة لا في المضمون ولا في الشكل
انا لاانكر اني من محبيها من الوقت الازمة المصرية والتونسية ولكن
انا ضد ماتروجه على الجزائر والجزائريين فقط
شغل رانا في غابة هذا مكان...
تترك المجال للهاربين الخائنين الطماعيين في السلطة التحدث وابداء رأييهم اكثر من الطرف الاخر يعني لا تترك المجال حتى للدفاع....يعني من الاخير تعطي مع الاخبار الجزائرية بالسلبيات اكثر من الايجابيات
اما على السارقين والفاسدين والخونة
ديما نقول فيها يجي نهار والظالم والفاسد يكشفوا ربي
واحنا من اللول مراناش مسامحينهم
وموكلين عليهم ربي
واذا كاين طُرق اخرى
افيدونا بها ...
مع العلم انا ضد الحكومة ... وضد تطبيق سياسة الرئيس....لانهم كامل سراقين بالعامية ....الرئيس عمل مابوسعه ولكن يدو قصيرة واليد الفساد والمفسدين طويلة الله غالب
عليه يد وحدة ماتصفق والفاهم يفهم
جزاكم الله كل الخير
على مشاركتكم القيمة
نسر الآمل +مهدي+كمال
التي احترمها مع اني لست معها
% 100
شكرا اخي كمال ولو انت اخي الكبير
ونصائحك ان شاء الله اعمل بها في المستقبل
بارك الله فيكم على المرور
سلام