وائل غنيم:يتحدث بعد الافراج عنه

[أحمد الجمل]

المشاركة الأصلية كتبت بواسطة مصريه جدا

والله ياحمد مش انا الى بقول
انا الى اتقالى كدا
انا مش قلت ان انت لى اتهمتنى
انا قلت اتهمت بكدا انا اتهمت بكدا
وانت من شويه قلت ان مبارك ضحك على الناس البسطاء
ومن شويه قلت انك بكيت بعد خطابه ازاى يااحمد
كل الى بكوا بعد خطاب مبارك قرروا يدوله فرصه
وفى بعض شباب ميدان التحرير بكوا ولما قروا يمشوا حصل الى حصل يوم الاربعاء ودا زادهم اصرار على الرجوع ورحيل مبارك

لكن صدقنى يااحمد مكنتش احب ان مبارك يخرج بالشكل ده ابدا
مبارك دخل مصر بطل وعلى الاقل كنا لازم نحترم سنه ونقدره
وعلى فكره ابويه كمان مع رحيل مبارك
ولاول مره فى حياتى انا وابويه محدش فينا يقدر يقنع التانى برايه
بس هوا عشان ابويه متهمنيش انى جبانه ولا عميله ولاخاينه لانه عارف كويس انى ممكن اضحى بعمرى كله عشان تراب مصر
بس لكل وجهة نظر

عارف يااحمد بقى عيبنا ايه دلواتى
انا مش بقصدك انت البذات
انا بقصد الى اتهمونى
اننا بقى الى معايه حبيبى
الى مش معايه بقى عميل وخاين وشويه هبقى اسرائليله يهوديه كمان
وبعض الناس ربك عليهم قالوا انى غبيه كمان
ولسه ماخفى كان اعظم
بس انا مش زعلانه لان ليا موقف ثابت وراى ثابت
حتى لو خرج مبارك من الحكم هيفضل له مكانه خاصه
حتى بمعرفتى انه ظالم ظلم الشعب المصرى
لكن مشعشان ظلمنا احنا كمان نظلمه
مبارك حقه يخرج بكرامته ويموت على ارض مصر
الى كلنا عارفين انه بيحب مصر الارض
يمكن مش بيحب الشعب لكن بيحب الارض

رايى وانا المسئوله عنه
كثير هيقولوا انى متخلفه وانى غبيه وانى جاسوسه كمان
بس مقدرشى اكره مبارك ربنا يهديه
بس دلواتى الى اهم من مبارك هيا مصر
مصر فوق الجميع

شكرا يياحمد

لا تزر وازرة وزر أخرى يا سارة
محدش منصف ابدا يقدر ينكر تاريخ مبارك العسكرى المشرف جدا
ومحدش برده منصف يقدر ينكر القهر والذل والظلم اللى عيّش فيه كل المصريين
ومش معنى انى اتاثر بكلامه واحس انه عزيز قوم ذل انى احكم بعواطفى
انا يوم الثورة كان فيه موضوع فى المنتدى عن ثورة مصر وقلت فيه
ان مصر مش زى تونس ولا حسنى مبارك زى زين العابدين
وقلت ان حسنى مبارك بيحكم العالم العربى كله من حمام قصره
وانه لو عايز يعزز حكم رئيس عربى هيقدر ولو عايز يقوض حكم رئيس عربى هيقدر
قاموا عليا ومحدش صدقنى وشتمونى
واهه الأيام بتثبت للجميع ان عندى حق وان حسنى مبارك تعلب السياسة فى العالم
وأربك العالم كله ومخلى العالم كله يغير رايه من يوم للتانى , وبخطاب واحد قسم مصر اتنين , معارض ومؤيد
وصدقت لما قلت ان مصر مش زى تونس لأن العالم كله واقف دلوقتى ومالوش هم الا مصر لثقل مصر ووضعها
كمان الشعب المصرى بيضرب مثل للعالم كله فى الذكاء فى التعامل بكل شياكة مع ذكاء ودهاء وحنكة مبارك ومكسرناش اى شئ ولا حرقنا اى شئ ولا هيحصل
حسنى هو اللى عمل فى نفسه كده والشعب مالوش ذنب وعلى راى الشيخ محمد حسان دى دعوة مظلوم غفل عنها كل الخلق ولم يغفل عنها الخالق
تحياتى لبابا
برافو انه معارضك فى رايك