قف .. Stop

[طائر النورس مغتربة]

مرحبا ا
اليوم جبتلكم ا
Gateaux d anniversaire
نبدا بالمقادير

6حبات بيض 150غ سكر 150غ فرينة 40غ كاكاو اسود حوالي 5مغارف حليب 2فاني 1خمارة 2قطع شكولاطة وحدة بيضاء والثانية سوداء لتزيين

بنسبة لكرام شانتي

50سل كرام فراش سائلة شوية فاني 50غ سكر قلاصي

طريقة التحضير

نفصل صفار وبياض البيض نضيف السكر الى صفار البيض مع الفاني نخلط مليح حتى يتضاعف الحجم نضيف الحليب نخلط ثم نضيف الكاكاو نخلط الخمارة مع الفرينة ونضيفها الى الخليط
نطلع بياض البيض حتى يولي مثل الثلج ونضيفه الى الخليط مع التحريك بواسطة ملعقة من الاعلى الى السفل حتى يمتزج جيدا نفرغ الخليط في البلاطو وندخلو للفرن يكون درجة حرارتو 180 درجة ونخليه يطيب حوالي 35 دقيقة

لكرام شانتي
نضرب لكرام الباردة في صحن لييكون هو الاخر بارد اي دريه قبل في الثلاجة قبل الاستعمال باش تطلع بلخف نضيفو السكر القلاصي وشوية فاني ونضربو مليح حتى تطلع تولي مثل بياض البيض كي نطلعوه انا قسمتها على اثنين الاولى خليتو كيما هو والقسم الاخر زتلو شوية كاكا ونديروها في الثلاجة باش ماتهبطش

لما يطيب القاطو نخليه يبرد شويا ونقسمو الى طبقات هدا انتي وشطارتك انا قسمتو على ثلاثة نخرجو لكرام البيضاء من الثلاجة نضعها مابين الطبقات ومن فوق والحواشي ونجيب القطع الشوكولاطة السوداء والبيضاء ونلسقها على الحواشي وفي الاخير جبت لكرام لي فيها الكاكاو وزوقت بيها من الوق


انشاء الله برك يعجبكم مر