رساله الى كل مصرى

[مصريه جدا]

المشاركة الأصلية كتبت بواسطة المهزوز

السلام عليكم يا سارة

ثومة تبلغك السلام السنترال الذي يخدم منطقتهم احترق لذلك النت مفصول عندهم

لكي ان تفخري يا سارة وترفعي رأسك عاليا بفعل الشباب في ميدان التحرير وكل المدن في بلادنا الحبيبه

اعلمي يا سارة ان المتظاهرين يحبون الوطن اكثر من اي مدعي ومنافق من اذناب الحزب الوثني

هم قدموا ارواحهم فداءا للوطن وتوفير حياة كريمه لنا جميعا وللاجيال القادمه

لا يصح مطلقا ان نقلل من فعلهم ونقول ان لهم اجندتهم الخاصة كما يقول النظام التداعي

أجندتم لا تحتوي الا حب مصر وتحريرها من الطغاة

والحمد لله الثورة نجحت بكل المقاييس

يبقي خطوة واحدة لا بد منها وهي رحيل الطاغية

وان شاء الله المسأله ايام وسيرحل غير مأسوف عليه

وان كنت اتمني ان يتم محاكمته علي دماء الشهداء الذين سقطوا بايدي بلطجيته

وزي ما بنقول عندنا العجل لما يقع تكتر سكاكينه

وللاسف سكاكينه كانت من اتباعه وحلفاءه

انظري من تم منعهم من السفر وتجميد ارصدتم ماذا يقولون

انظري ماذا قال رشيد محمد رشيد وزير الاستثمار السابق

انظري تصريحات امريكا والغرب

هذا الرجل فقد احترام الجميع

خصوصا بعد جريمه الخيول والجمال التي اقتحمت الميدان

ان كان يحب مصر كما يدعي ولا ادري اين كان حبه هذا طوال ثلاثين عاما فليرحل

وأسألك يا سارة

من اجل مصلحة البلد هل نضحي بالملايين الذين يتظاهرون ضده ام ان نجبره هو علي الرحيل

وخصوصا ان هناك نائب للرئيس قوي وله شعبية بالشارع

تأخرنا قرون في عهد ذلك الطاغية

وفقدنا ريادتنا في كل المجالات

فليرحل من اجل لم الشمل

لا اعلم علي ماذا يراهن بعد ان ايقن ان المتظاهرين لن يبارحوا حتي رحيله

اعلمي يا سارة انه هو من في يده لم الشمل

لو رحل لانفض المتظاهرين وهدأت الامور

ولا حول ولا قوة الا بالله

وعليكم السلام ورحمة الله وبركاته
الله يسلمك ويسلمها يارب ياوليد انا لما النت رجع فتحت الاميل ملقتهاش موجود واكسفت اسالك عنها الحمدلله انها بخير ياااااااااااااارب
وان شاء الله النت يرجع عندها ونتكلم ويجمعكم مع بعض على خير يارب ان شاء الله
طبعا ياوليد احنا اخوات متفقين ان مصلحة مصر فوق الجميع نقطه مش هنختلف عليها ابدا
ومتفقين كمان انى مش بكره مبارك ومش هقدر اكرهه لاسباب كثير سبب وضحتها
وانا معاك ان الثورة الشبابيه لم تفشل حت ولو لم يرحل مبارك
لاننا حققنا جزئ كبير منها اهمها تعديل الدستور والاشياء الى ذكرت ونائب رئيس وكدا
لكن انا عن نفسى مش مقتعنه ان مبارك هوا ورا الى حصل لشهداء يوم الجمعه ولا شهدا ميدان التحرير
مش معقول بعد خطابه واحساسه بتعاطف معظم المصريين معاه
يبقى غبى لدرجة انه يبعت بلطجيه يضربوا الشباب دى مش فى مصلحته ياوليد لو فكرنا فيها كويس مش من مصلحته يعمل الحركة دى ابدا
دى من اعمال الحزب الحاكم والحكومه السابقه
احمد عز ووزير الداخليه وامثاله بطلجية الحزب الوطنى
الى نهبيبن البلد لسنوات طويله
واخدينها بالطول والعرض حبوا يخربوها قبل مايخرجوا منها
لكن اارادة ربنا فوق الجميع
والنائب العام امر بمنعهم من السفر وتجميد ارصدتهم ودى خظوه فرحنا بيها جميعا

انا ميهمنيش بقاء مبارك او رحيله كل الى يهمنى مصر وان المصريين مش تيفرقوا
بعد الخطاب انقسمنا الى قسمين مؤيد لبقاؤه الى ان يتم اجراء التعديلات
ومعارض لبقاؤه

ودا انا محبوش ومحبش اشوفه طول عمرنا شعب واحد ايد واحده
مشعايزين فتنه داخليه بين المصريين
مبارك كدا كدا هيمشى سواء فضل لحد سبتمبر او تنحى من بكره
مصر الاهم اهم من مبارك اهم من البرادعى اهم من الاخوان
انت عارف انى كنت من الشباب الموجودين فى المظاهره
لحد بعد خطاب الرئيس
وبعدها رجعت بيتنا وقررت مخرجشى تانى خلاص حسيت اننا حققنا جزء كبير من مطالبنا
جمعة الغضب كانت افظع يوم شافه المصريين
خصوصا بعد انسحاب الشرطه
واستشهاد الكثير من شبابنا
لكننا فى المحله معظمنا رجعوا بعد خطاب مبارك
الاهم دلواتى مصر سوءا بمبارك او بغير مبارك لازم نبقى ايد واحده
لازم نرجع كلنا مع بعض
ولو الحكومه منفذتشى كلامها المره دى هنخرج من جديد بس من مليون ولا 8 لالاهنخرج ال85 مليون نسمه
لكن بصراحه انا مش مع اعدام مبارك ولا محاكمته مبارك انسان
واحنا كلنا بشر بنغلط وربك لوحده صاحب القراار يسامحنا ولايعاقبنا
بتمنى ياوليد تكون فمة وجهة نظرى


احسن فى احد الاعضاء هنا تم حذف كلامه اتهمنى انى عميله وخاينه ومن اتباع الحزب والاهم انى بقبض من الحزب
والمصيبه ان الاخ بيقول انه مصرى
بالله عليك ياوليد احنا كان فى بينا كدا
عمرنا ماكنا كدا ومش عايزين نبقى كدا

ربنا يقدم الخير يارب لمصر فى الفتره الجايه
بس لو رحل مبارك عن مصر استجابة لرغبة باقى شباب ميدان التحرير
يبقى لازم يخرج منها بكرامته مش هننساله انه كان قائد القوات الجويه فى حرب 73
احنا شعب مش ناكر للجميل ياوليد وعمرنا ماكنا كدا مبارك اتذل ذل متذلوش رئيس فى العالم
اوعى انت كمان تقول انى عميله لمبارك
ههههههههههههههههه
لان الحمدلله انت عارفنى من زمان واكيد فاهم وجهة نظرى
بس مش ملاحظ حاجه يواليد بعض الاخوه الى قبل 25 يناير كانوا فى كل مكان بيقلوا بنكره المصريين دلواتى بقدرة قادر بقوا بيحبوا مصر وكمان بيتهمونا بخيانة بلدنا
ههههههههههه
والله يااخى الكريم بقى هم يبكى وهم يضحك
سلامى لثومه وابقى طمنى على الاسره يارب كلكم تكونوا بخير يااااااااااااااااااااااااارب