أين هي قوات الجـــيش لتحمي الشعب و الجزائر من اللصوص و المخربين

[الأخ خالِـــد]

المشاركة الأصلية كتبت بواسطة *الفتى الصغير*

تبقى بين الشعب و الشعب

ما دخل الجيش

اذا نزل الجيش للشارع

تهردت

و الله ما يبقى فيها غير طويل العمُر

و رايح عشرات من افراد عائلتك انت يموتو

فهمت و لالا ما فهمتش

تهدرو على الجيش و كانه لعبة عندكم


نهار تهزو السلاح و تعرفو قيمة الروح البشرية اهدرو على الجيش

أنا راني نحاول باه نفهمك ، بصح راك متناقض مع روحك

من جهة خايف على الروح البشرية ، ومن جهة تقول خلي الشعب يحرق بعضاه

أنا مانيش عارف المتظاهرين عندك كيما اللي عدنا ولا كيفاه

حنا عدنا ((كوالا)) حرقو حوانيت الشعب ورفدو الموس في وجوه ((الشعب)) وقطعو الطرق على الشعب

حتى المستشفى ماتقدرش تروح ليها ، مانحكيلكش إذا كنت تمشي مع أمك أو أختك ، والله ما تروح.

مهما كان الجيش خالعك ، رايح يكون أرحم من هاذ أصحاب الزطلة . واحد يحرق مدرسة كيفاه ينصرو ربي

أنت باين عليك جايف من بوتفليقة ، وتظل تحفر وراه (في الانترنت برك ههه )

والله راه كامل مسنا الفقر والظلم والحقرة ، بصح ماهيش هذه الثورة اللي تبدل الأحوال .