اسئلة غبية للغاية

[جهاد الإسلام]

اهلا بالجميع نشاء الله ملاح.
معضم الاحيان البعض منا يسقسيو اسئلة لا معنى لها لا تحتاج اصلا لاجابات بصح هذي هي جزء من عوايدنا.جت اليوم بعص من هذي الاسئلة :

انت دورك راك في بيتك مكسل في فراشك يعني راك في 7 نومة فاجأة يزدم عليك كاش واحد ويشعل عليك الضو اوبعد يسقسيك بكل بساطة : راك راقد.............لالا ااه مرانيش راقد راني نشطح .

زعم انت راك لابس او مستيكي رايح لباب ....يعطلك واحد من داركم باه يسقسيك : اسكو راك خارج ...........اكيد لا راني نسي في حوايجي برك..........سؤال خططططييير.

ولا زعم راك في بيتك شاد كتاب و راك مكوسونطري فالقرايا.....يدخل عليك واحد بكل انواع الازعاج ويسقسيك راك تقرا..............لالا راني نشطح ولا واش .

اوتاني كاين تبهديلات اخرى تحدث مثل هذا الحوار بين مذيع وطفل :

يقول المذيع لطفل :- أنت تحب ماما وبابا ! ! !


(( لالا نحبك نت)) سؤال غبي الصراحة !!

واخر :

برنامج مسابقات على الهوا :-

المتصل :- الوو السلام عليكم

المذيع :- وعليكم السلام هلا وغلا

المتصل:- ممكن اشارك
لالا تليفونيت باه دكسر معاه...........

والافضل هذوا الاسئلة لبعض يقولهم على نيتهم شحال دير الحلوى تع عشرة دورو...........؟؟؟؟؟؟؟؟؟؟؟؟.........!!!!!!.

اعطيني قرعة ايفري سعيدة...............؟؟؟؟؟؟؟؟؟؟؟؟.........!!!!!!.
يدخل عند القهواجي اعطيني كاس حليب سخون....... ياخي حابس مالا يعطيهولك بارد
شكرا .