حكاية العام.... خليدة تومي والأقزام السبعة...!! - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتديات عامة للترفيه و التسلية > منتدى النكت و الأخبار الطريفة

منتدى النكت و الأخبار الطريفة نكت و طرائف... للترفيه عن النفس

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

حكاية العام.... خليدة تومي والأقزام السبعة...!!

 
 
أدوات الموضوع انواع عرض الموضوع
قديم 2010-12-28, 17:56   رقم المشاركة : 1
معلومات العضو
سمير الشاوي
عضو مبـدع
 
الصورة الرمزية سمير الشاوي
 

 

 
إحصائية العضو










Mh01 حكاية العام.... خليدة تومي والأقزام السبعة...!!

استيقضت خليدة تومي ذات صباح...
وكالعادة توجهت نحو المِرآة...
وقالت:
مِرآتي....يا مِرآتي.... من هي أجمل واحدة عند العرب ؟؟
قالت الِمرآة:
أنت يا سيدتي...جميلة...أنت رائعة....
خاصة كي تلبسي النظارات الشابين تاوعك...
ولكن يا سيدتي.... !!
خليدة:
ماذا ؟؟، ما تخلعنيش ....!!
المِرآة:
هناك من هي أجمل منك....
هناك...
خليدة:
أين... ؟ الله يعطيك العمى.
المِرآة:
هناك.... في الإسكندرية.... في البِحيرة...
هناك في حوش عيسى...
خليدة:
شكون ؟... اتكلمي...
المِرآة:
اسمها: ليلى علوي...!!
خليدة خلعت... وذهبتلها الهدرة، ونسات هاذوك الكلمات تاوع الفرانسوية اللي كانت تتقلش بيهم على الشعب...، وولات تتكلم بلهجة محلية...:
شكون ليلى علوي هاذي...
ياخي قلتلك ماعادش تتكلميلي على المصاروة....
نسيتي بلي راهم ضربونا ليجوار تاع المنتخب...
نسيت كي سبونا الشهداء...
المِرآة:
واش نديرلك سيدتي... انت سألتيني على العرب !!
خليدة:
خليني من جد العرب...
قوليلي من هي أجمل واحدة في لالجيري برك... عندك تروحيلي بعيد، ونكسر ...
المِرآة:
انت جميلة يا سيدتي.... راكي بومبة.... وخاصة كي تلبسي هاذاك الكوستيم اللي بعثتهولك لالاَّك من فغانسا !!
ولكن.....!!
خليدة:
ما تقوليليش ... ولكن...
المِرآة:
تحبي الحقيقة.... يا سيدتي... ولا ....
خليدة:
اتكلمي... الله يجبهالك...!!
المِرآة:
هناك فتاة جزائرية... خُمرية...من أولاد سيدي الخيِّر....
راكي بعثتيها مع الأقزام السبعة لِكَندا...
خليدة:
يا يما على هاذيك المرايا... تقول نرميها في لابوبال تاع الباطيمات...!
اتكلمي شكون هوما الأقزام السبعة ...؟
المِرآة:
نسيتي !!
هاذوك اللي بعثتيهم يشطحوا ويردحوا بمناسبة 1 نوفمبر عيد الشهداء...
راهم قالوا اليوم بلي راهم هربوا، وصنفوهم مع الحراقة....
ما قريتيش الجورنال...!
خليدة:
وين راه الجورنال....ما كانش منها أولاد بلادي يحرقوا....
اليوم ندير وندير.....
..................
بغيتوا تعرفوا واش داروا الأقزام السبعة....
وبغيتوا تعرفوا واش دارت خليدة للمرايا تاعها...

...............
انتظرونا في الحلقة القادمة......









 


آخر تعديل الزبرجد 2010-12-29 في 20:04.
رد مع اقتباس
 

الكلمات الدلالية (Tags)
خليدة، الأقزام


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 21:17

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2024 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc