بيونة و صويلح قصدي نور و مهند..اجروا موضوع حصري

[riteje]

السلام عليكم يا جماعة الخير
الي تخلطولكم ليزافير
و نسيتو الدربوكة و البندير...بلا بلا بلا
(ياه ياه تفكرت الفهامة كي كانو يديروها على ال 9 كنت لحظة مانضيعهاش)
خلونا ندخلو في الميضوع قصدي الموضوع

الساع (قبل قليل)كنت شادة التيليموموند و نبدل (كنت امسك بالريموت كنترول و نغير في القنوات)

و كانو على النحو التالي:
الجزائرية الثالثة (زعما رقم 1) شريط
2m فيلم هندي مترجم بالمغربية
المغربية ثاني فيلم مكسيكي مترجم
ابو ظبي فيلم تركي
mbc drama فيلم مترجم\
mbc max فيلم مترجم بالمصرية

يعني الكل مترجمين الا الجزائر و الكل بلغتهم الخاصة

جاتني هاد الفكرة تخيلو الجزائريين يطرجمو مسلسل تركي و واش من مسلسل نوووووووووووور

في ميزكم الي يطرجم نور شكون؟حاجة باينة بيونة

و مهند =صويلح

ايا تخيلو زعما نور تهدر قصدي بيونة

وشنو وشنو هاديك تديلي مهند ديالي هيهيه غير هادي ماتصراش و الله غير اناسيها في اسم يماها

زعما لحظة رومنسية بين نور و مهند ايا كي يجي رايح صويلح بقول نبغيك اتجيه الكحة
و لا اذا راكم عاقلين نور منين يبغب هاداك يختصبها بيونة تبدا تعيط:
ااااااااااااااه يا يما يا يما انت ماشي متربي يا يما اتلقني ياخا و الله يقنلك مهند ديالي

ايا و هي رايحجة تخيلوها تصرا صح

انا مابغاتش تدخلي في راسي مانيش عارفة علاه

ايا تبقاو على خير ان شاء الله مانكونش ثقلت عليكم