ما هاذا التفتح لي وصلناله

[مشكلتي]

السلام عليكم
ربما ما تكونش مشكلة ولكن الموضوع حيرني لدرجة كبيرة
أنا نسكن في ضواحي تاع ضواحي تاع مدينة (يعني قرية صغيرة بعيدة جدا عن المدينة)
يعني حتى في مرحلة المتوسطة والثانوية قريت في قرية قريية من قريتنا
وحاليا راني سنة ثانية جامعية. جيت للمديتة وراني نسكن عند خالي
وصدمني التفتح لي كاين في المدينة ولكن أكثر حاجة صدمتني هي:
كيف هناك نساء متزوجات وما يلبسوش الخمار؟؟؟؟؟؟
يعني حنا في قريتنا كاين نساء غير متحجبات. ولكن بمجرد يبغيو يتزوجو يلبسو الخمار، وكأن عدم لبس الخمار دليل على أن الفتاة لا تفكر في الزواج حاليا، فما يروحوش يخطبوها

أما هنا فالمدينة فعادي امراة متزوجة وبدون خمار وتتمشى مع زوجها عادي بسروال الجينز
واكثر شيء قهرني، انو في دفعتنا 90 بالمئة من الفتيات غير المتحجبات يا إما متزوجات أو مخطوبات
أما الفتيات المتحجبات ومنهم أنا. فولا واحدة مخطوبة

ما هاذا التفتح لي وصلناله؟؟؟
يعني هل اصبح الرجل يتجنب خطبة الفتاة المتحجبة؟؟؟