واش أجماعة

[بلا صوت]

هههه اهلا لخاوة توحشتكم يازح .. وش درتو في الباك ؟ هههه زعزعوكم اه


منعرف لتشفاو عليا ول ، انا لظهرت فجأة نبعد ملي حكمتني كورونا وعقبت الحجر الصحي انقشعت من عالم الانترنت واعتكفت في التحضير للباك زعمه هههه

المهم بصراحة والله معاناة صح ، بلاك مش راح نلحق للمعدل لحابو مي تعلمت ياسر حوايج ، وعرفت انو مستوى تاع الباك ماشي ويطلع في النيفو ( يعني لحكاية تاع بكري نقراو شهر ول شهرين قبل لباك مولاتش تخرج ) لدرجة أني حسيت بكالوريا 2013 رحمة خلاص وندمت لمقريتش وقتها مليح باه نعمل تخصص مليح

كان عملي في ورقة الاجابة جد متواضع وهي حصيلة لمراجعة وتحضير ثلاث أشهر بالضبط ولكن لم يكن زادي بالمستوى المطلوب حتى أجيب على كل الأسئلة بشكل صحيح ، نحكيلكم ع ثلاث مواد أساسية كيفاه عقبتهم

رياضيات اخترت الموضوع الأول ، تقريبا فهمت كل الأسئلة إلا تمرين الاحتمال مكفانيش الوقت باه نفصلوا مليح ، انا كتبت التمرين الثاني في الاحتمالات وهي بقات 17 دقيقة وتصوني ( ضغط الوقت وتعب مخلانيش نكرز فيه خلاص ، وزيد نظرة الاولى شفتو معقد شوي وباه فهمت كيفاه يمشي بقاتلي 5 دقايق )

العلوم منقدرش نقول خدمت مليح ول لا ، لانو الامر يرجع للمصحح وطريقة فهمي للتمارين

الفيزياء كان موضوع في المتناول لحضّر ( الموضوع الأول مشو ساهل ) إلا الوشيعه كان فيها هدرآ وخدوخرا تقريبا خدمت نصف تمرين فقط ، وزيد تمرين تاع الناقلية دالي نصف الوقت ، والتمرين الأول درت أخطاء حسابية ( المهم غاضني السوجي تاع الفزيك والله ههه لأنو موضوع تاع لحضر ميديش تحت 16 )


نصارحكم انا كرهت ومظنيتش نزيد نعاود لعام إجاي ، لعبد كبر ع روحو