سؤال وجيه للمرأة العاملة

[ايمان4]

النقاش احتدك بينكم يا اخوة ... بالله عليكم الناس متزوجة و عايشة حياتها . و المراة تحتاج الرجل و الرجل يحتاج المراة م عيب الرجل يسمع لمرتو و اذا ما سمعلهاش و ما شاورهاش لشكون يسمع ؟لجارو؟ و العكس صحيح المرا لي ما تسمعش لراجلها ليمن تسمع ؟ العلاقة تكون مبنية ع الحب و المودة و الرحمة و يجيبو وليدات المراة و الرجل صح يبغيو وليدات لكن يبغيو يعيشو مع بعضاهم تاني و يحتاجو بعضاهم نفسيا مش ماديا فقط .... و لي تحب تخدم او تحب تبقى ف الدار هداك قرارها هي وحدها و ع حسب ظروفها و ظروف عايلها و قناعاتها و شهاداتها و قناعات زوجها ... يعني الموضوع من اصلو غالط الناس عايشين فرحانين في الحلال و حنا ندبروا عليهم اذا يخدمو او ل او اذا ناجحة او لا .... ما تقدرش تكون ناجح سواء كنت رجلا او امراة بدون عائلة .. يعني باش تكون سعيد يليقلك صحة + عمل /حرفة او شهادة جامعية المهم كل حسب مجاله و قدراته العقلية و ميوله /+لهنا تاع عائلة كبيرة + حب في الحلال +ابناء + مال يكفيك باش تعيش ... اذا حاجة نقست لسبب ما اكيد راح تتعايش مع الوضع و حياتك م تحبسش لكن مراحش تكون سعيد مية بالمية ... العمل حسب الشخص ... لكن الحياة العائلية لازمة و لازمة اذا غابت لسبب ما اكيد الانسان ما ينتحرش و العياذ بالله لكن يحس بنقص .... مش لاجل الابناء فقط تقدر تربي كاين دار الايتام تكفل يتبم اذا كانت او كان عامل ... لكن لاجل الحياة الزوجية ... المسؤولية هديك لي بزاف ناس يشتكيو منها في الحقيقة يحبوها و ما يقدروش يتخلاو عليها ...