السلام عليكم ...
انا أُفضل موضوع بمجهود شخصي و لغة عرجة ..افضل 2000مرة من موضوع منقول بلغة منمقة .. وردود لا فكرة فيها ومجاملات .. واللي ينقل مش فاهم واش نقل 
بلا شك راني نتبع ..ومرات نقرا الرد مرتين ثلاثة ..
خطرلي على الافكار المعلبة ..زمان كنا نشوفو افلام الخيال العلمي .. وبعد سنوات بزاف امور ولات حقيقية ( طبعا باسم التكنولوجيا و العلم) ..
وهذاك كوكب اليابان وجماعتو والمثالية لي عندهم ..فكلش تربية علم حضارة زعمة طبيعي الامر .. مرات تبانلي الفضائيين راح يخرجو من تم ( ولا ياجوج وماجوج منعرف)
المهم بالشوية على عقلي ..راني نتبع من المقارنات وجيبها ( مالك بن نبي الناس فالخارج داو الفكر تاعو و طبقوه ونهضوا بالاقتصاد وحنا شاطرين غير في الترحم ونقولو جزائري ) ربي يرحمو ويجعلو من اهل الجنة
وليت نخلط .. خليني نتبع فجماعة الملائكة والشياطين وسبب خروج ادم من الجنة .. وكاين لي قالو غير حواء وسوستلو
لازم يدخلو المرأة في كامل المصايب المهم لا علينا ..
.. حقا كاين قناة cn لي فيها سبونج بوب ووحد الكوميكات ..بزاف فيهم علامات الماسونية وحتى بعض الالفاظ البذيئة ...والدعسوقة لي بناتي يموتو عليها .. كي درت بحث عليها .. علاقات حب بينها وبين القط و و و و يعني المراهقين لي يتبعوها فاليوتيوب ..كارثة ..
بعدت على الموضوع ..المهم نديرو طول النفس ورانا فالمتابعة
( اعتذر عن التحدث بالعامية لكن الموضوع شيق للدرجة التي لازم نشارك باللهجة االعامية )
متابعة ... بصمت 
( تقرير عن مشاركة سيئة )، و الموجودة أسفل كل مشاركة .
2020-05-26, 12:00
العرض الشجري