خلاص معدتش قادرة تعبت من الدنيا

[مشكلتي]

السلام عليكم.. راهي تقريبا حوالي الساعة الثالثة صباحا ..وانا راني نايضة نتفرج في السقف تاع لاشومبر و نلعن في النهار اللي ولدت فيه..تعبت
والله يا خاوتي تعبت ومعدتش قادرة.. وليت عايشة بالادوية ونفكر ننتحر ليل ونهار ..
وجهي راح اصبح كيما تاع الاموات ..اولت مبارح ركبت في طاكسي المراة اللي منعرفهاش اللي ركبت حذايا حكمت يدي وقاتلي (( واش بيك ! ان شاء الله لاباس !! عندكم شكون مات في داركم !! )) وبقت طريق كامل وهي تسقسي فيا (( مايكون غير الخير ! واش بيه وجهك ؟ ))...
خلاص وصلت للمرحلة اللخرة .. جربت الرقية .. جربت الاخصائيين ..رحت لطبيبة نفسية وبكيت عندها لين دموعي جفوا وولات هي تبكي معايا وقاتلي (( لعل عندك التابعة ؟!!)) هاذي طبيبة واخصائية قاتلي (( مقدرتش نعاونك.. لعل عندك التابعة !!)) وماحبتش تخلص عليا..

وليت نقول يا الله كون يرجع بيا الزمن وانا صغيرة ويقولولي (( يا اسماء هذا هو الجحيم اللي راه يستنى فيك في المستقبل.. )) اقسم بالله نقتل روحي فم وانا صغيرة
الله المستعان