ابي الظالم 2

[مشكلتي]

السلام عليكم صحا عيدكم
قريت التعليقات رغم انها ليست كثيرة الا انها كفات ووفات
لي قاتلي مش متربية نقولها يعطيك الصحة المهم انتي متربية .....
واش جاتكم صعيبة وعقوق كي حابة نشارع ابي ؟!! بصح نورمال امي لي ما عندها لا دخل لا حتى حاجة يرميها برى واش دخل الاسلام هنا ؟!!!! واش دخل العقوق ؟! ديجا انا ماكبرنيش هو وعمرو لا صرف عليا واصلا معشتش في دارو وعادي عمري لا شكيت منه بصح كي وصلت يآذي أمي لا وألف لا ...العالم كل عندي في كفة وأمي في كفة وانا كون جات عندي دار كون اني ديتها وحطيتها فوق راسي وحوستش عليه خلاص ...عمركم ماشفتو عبد يكره باباه ؟!!! خاطر انتوما عشتو في الحرير خاطر انتم ما اتظلمتوش من أقرب الناس ليكم ولكان هو ظالم وينو المشكل كي نحبسوه عند حدو تولي تسمى عقوق ...حسبي الله ونعم الوكيل في هاذ المجتمع الي ما يعرف من الاسلام الا القشور . . . انا انسانة مرضت وتعبت في حياتي بزاف بصح قلت معليش كي جات فيا معليش ...حسبي الله ونعم الوكيل في كل انسان جرحني بكلمة حسابو عند ربي حتى ولو كان مجرد منتدى ...ابسط حاجة الدين نصيحة وأصلا هذاك النهار كنت زعفانة وكتبت الموضوع ولم انتبه ماقلت ونسيت اصلا بلي كتبته حسبي الله ونعم الوكيل في كل كلمة جارحة قلتوهالي بكاتني وانا اصلا حالي مايعلم بيها غير ربي سبحانه