نصيحة أخيرة

[امـــة اللـــه]

السلام عليكم ورحمة الله وبركاته
ممكن هاذهي هي آخر مشاركة ليا قبل الباك
جيت نقوللكم حاجة بلي راو مابقاش وقت للعب باه تزيدو تضيعوه زيرو رواحكم ماتخلوش رواحكم تفشلو أضعف الايمان كل يوم نقصو حاجة العيب ماشي فمقدار الحفظ كي يكون قليل العيب كي تبقاو تستهزؤو بالحالة وتقولو مزال الحال ولا صايي مانقدروش
ذرك مكانش حاجة اسمها نحب الامتياز نوصل ولا لا؟
ذرك ابداو قدامكم وماتستناو حتى واحد يوريلكم طريق اللي تمشيو عليه الحاجة اللي لقيتوها فطريقكم اصدمو نحيوها تتهناو منها
ونقوللكم حاجة بلي بقاولكم 10 ايآآآآآآآآآآآآم اتاع تكملة البرنامج باش يكون فعلمكم الاسبوع الاخير اسمو تاع مراجعة وتهيأو رواحكم نفسيا قبل كلش
اذا اللي مابداش ينظم روحو غير ينسا حاجة اسمها الرقاد والنوضان على 12 ولا السهر للسحور كامل مي فالمنتدى ولا فمواقع التواصل
مليح تسهرو على حاجة اسمها قراية ماشي ترقدو 4 سوايع وفالاخير ماتربحو لارقاد لا صحة لاقراية

المهم ربي يهديكم اديرو القلب وتفيقو على رواحكم
ربي يوفقكم ان شاء الله