اقرا ولا تندم تفضل

[ريتال2]

اقراه للآخر والله ماراح تندم ميساج ليك نتا لي تحل الكراس تفشل نص دروس مش كاتبهم والنص لوخر ما فاهم فيه والو تحس مابقاش عندك الوقت تفشل و تغلق الكراس وكل يوم تقول غدوة نبدا حتى يروح الحال تفقد الأمل يبقى اسبوع على الباك تقرا ليل نهار تحس بلي القراية ماشي صعيبة لهاذي الدرجة تحس روحك بديت تريكيبيري و تقول يا ليتني بديت بكري تفوت الباك تحس روحك درتي لي عليك و عندك امل تنجح نهار النتيجة العائلة كامل تستنى بالدقائق و الثواني يتحل السيت النتيجة :
09ظ«99 راسب ��وتبدا صوت الزغاريت جاية من دار الجيران باباك يتقهر و امك دموعها يسيلو ويدان ولدها لي تعبت عليه لي كل صباح تنوض قبلو غير باه طيبلو لفطور كل يوم وراك يا وليدي مابقاش بزاف اقرا على روحك و عندها امل كبير فيك باباك لي يستنى فالنهار لي يفتخر بيك قدام صحابو واش ذنبهم برك قولي علاه تبكيهم علاه تقهرهم شحال من عام وهوما يستناو في هاذي اللحظة تهون عليك تبكي لي حملاتك في كرشها 9 اشهر اذا الفايسبوك خير من فرحت امك ماتقراش! اذا النوم احلى من ضحكتها ارقد ماتقراش! اذا ناس لي تبات ساهر علاجالهم خير منها ماتقرااااش !!
تخيلتوها هاذي اللحظة ؟
نرجعو قبل شهرين نهار لي فتحت الكراس و حسيت بالفشل و بلي راح الحال
خاوتي و خياتي والله ماراح الحال والله مزال فيدك وقت، شهرين يموتو عباد و يحياو عباد شهرين تقرر فيهم مصيرك شهرين تكفي و توفي
علابالك 15 يوم كاين ناس بناو فيها ناطحات سحاب 15 يوم برك صنعو معجزات فما بالك شهرين
اذا فتحتي الكراس و حسيت بالفشل وبلي وراك بزاف قراية تفكر بلي
#رحلة_الألف_ميل_تبدأ_بخطوة ��
تفكر ناس لي تستنا فيك تفشل و تفكر الناس لي عندها امل فيك هدف تجيب الباك يالوكان ب10 هدفك انو
#ماتخليش_عديانك_يستشفاو
#ماتخليش_حبابك_يتباكاو
نقولها و نعاودها والله ماراح الحال بالعكس هذا هو الوقت المناسب لي تبدا فيه تقرا لانك راح تبقى محتفظ بالمعلومات
علابالي بزاف فيكم مايروحوش يقراو وفاتتهم دروس حنا هنا اطلب يصورولك الدرس لي حاب وعلابالي مايبخلوش ،، روح لاقرب صديق و تسلف الكراس تقدر تعاود كراس كامل في ليلة وحدة و من الاحسن تعاودو في مدة ليلتين باه ماتتعبش وفي نفس الوقت كي تكون تكتب عقلك راح يحتفظ بالمعلومة وممكن ماتحتاجش تحفظها تقراها مرتين تترسخ في ذهنك و هكا تكون كملت مادة في مدة ليلتين ،ماشي الوقت لي ناقصك الإرادة هي لي ناقصاتك وفقط����