ارجو رأيكم ان كنت سأصل ؟؟

[صمت النّبض]

السلام عليكم ورحمة الله وبركاته
كيف حالكم؟ عضوة جديدة هل من ترحيب

أردت استفساركم بشأني , حالتي جد صعبة متأخرة بشكل رهيييب في جميييع المواد وذلك لأن الاساتذة غير اكفاء مع الاسفف بالاضافة الي اني لم استطع الدراسة في المنزل وحدي لظرووف فوق طاقتي والآن الحمد لله تحسنت بعض الشيء وقلت نرجع للدراسة
المهم العلوم مزالني فالنشاط 2 وحدة 1 جيولوجيا
الرياضيات مكملتش الاعداد المركبة
الفيزياء مقريتش الميكانييك مع كملناها فالقسم من قبل العطلة لكن للاسف مطليتش عل كراس كامل

مواد الحفظ مزال مبديتش و زيد مع الشخصيات والمصطلحات والتواريخ اكم علابالكم كارثة عظمة

و اللغات مزال تاني منيش نراجع ومحليت حتى موضوع باك

المهم راني رووووطاااار بكل ما اوتيت الكلمة من معنى تأخر جد كبيير
جيت نسألكم هل نقدر نوصل للامتياز وانا في هذه الحالة ام اني غير نحبس و نرجع من حيث اتيت , منوصلش؟
نحتاج منكم برنامج يساعدني ولو بالقليل لاني والله مقدرت نديرو وحدي
ونتوم الا راكم مثلي واش رايحين ديرو
وهل يوجد امل في الوصول لمعدل ممتاز ؟
و مشكلة الذهاب للثانوية واش نديرلها مع حنا برنامجنا مش متناسق كامل حابة نحضر الفيزياء والرياضيات فقط اما المواد الاخرى لا اريد الحضور لضيق الوقت في المنزل و عدم الفهم في القسم ما حل هذه المشكلة

ارجو ردودكم وشكرا لكم مسبقا