السلام عليكم ورحمة الله تعالى و بركاته
بالفعل بعض الاطباء لا تجد عندهم أدنى حس للمسؤولية الملقاة على عاتقهم وخاصة أطباء القطاع العام (يقولك نخدم قد دراهمي )... الله غالب واش راح يجيك من واحد قرا على جال شيعة برك باه يخرج طبيب قدام الناس و هو لوكان تعاودلو التقييم تلقاه مايتعداش مستوى الثالثة متوسط...
تروح للمسؤول نتاع الموارد المالية للمستشفى يقولك كاين حوايج لازم نوفروهم أولى من توفير سيارات اسعاف جديدة (يقولك ياخي المهم تمشي و توصل لمريض مايهمش تكون جديدة)... لغدوة منذاك تلقاهم ناشرين في صفحة المستشفى صور للاحتفال لي داراتو ادارة المستشفى بمناسبة عيد المرأة ... هاذو قاطوات هاذو مشروبات هاذو كادوات الله الله (يتمدو بالمعريفة) ...السمانة لي بعدها يحتافلو بعيد المولد بنفس الطابع ويديرو القرعة نتاع العمرة لي يخرجو فيها غير المسؤولين (زيتهم في دقيقهم) ومنبعد يجي الاحتفال بعيد الاستقلال لازم يعرضو الوالي و جماعتو لمأدبة عشاء فاخر مع سهرة خاصة بحضور الشابة فلانة (نخليو البير بغطاه)... الله غالب هاذو أولى من سيارات الاسعاف ...
حكاية الممهلات بغض النظر شكون لي دارها الشعب او الدولة لهدف مشترك هو تفادي الكوارث الناجمة عن السائقين لي يقودوا بتهور، لوكان جا كاين طريق خاص بالطوارئ و سيارات الاسعاف كيما في الخارج كان مايكونش هاذ المشكل بتاتا...
حكاية الادوية لي ماتكونش متوفرة على مستوى المستشفى لوكان يكون لمريض ولد مسؤول ولى عندو لمعارف في المستشفى يخرج الدوا منين ماكانش ان شاء الله حتى يكون ممنوع في هذاك المستشفى ... يعني يخليو طفل صغير 10 سنين بالألم مايقدروش يديرولو حتى ابسط حقنة تخفف عليه شوي ؟؟؟
لعباد لي راهم يخدمو بالمكر واللامبالات في المستشفيات سواء كانو أطباء ولى ممرضين ولى اداريين ولى حتى عمال أمن أو نظافة ... نقولهم نهار تتقاسوا في الحاجة لعزيزة عليكم ثما تفيقوا و تتفكروا كل منكر درتوه في المرضى ... الدنيا دوارة و كما تدين تدان ...
ربي يهدينا و يحط الرحمة في قلوبنا
( تقرير عن مشاركة سيئة )، و الموجودة أسفل كل مشاركة .
2018-12-07, 13:05
العرض الشجري