حال اختباراتكم ...

[الاسكندر الاكبر]

المشاركة الأصلية كتبت بواسطة hou da lar

استاذتكم من النوع لي يتلذذ منين يشوفكم تعانو
انا كانت استاذتي كيما هاك تعجبها منين منجيبوش غايا و المشكلة تمدلنا نص الدرس و في الاختبار تجيبلنا حاجة جامي لا شفناها لي باك تاع مروك لي واعرين مفيهمش دوك الافكار (امنيتي نعرف واش من موقع كانت تجيب منه دوك تمارين ) كنت نعتمد على لي كور و كونا متاخرين شويا على القسم كنت نسهر حتا 1 ولا 2 و نزيد نوض 6 غير باش نلحق بالقسم و في تالي نلقا اختبار لا علاقة بلي راجعته و منديش غايا لحسن الحظ كانو دارنا من النوع لي يقولو صح في لباك
مبعدا اكتشفت بلي اختبارات لا علاقة ب باك لكن اكتشفتها حتا في الاخير وليت نراجع لي درناه في لي كور فقط منعيي لا روحي لا والو حتا و ادا كان استاذة متقدمة عليا مكانش يهمني نلحقها مهم نكون فاهمة واش راجعت و فروض كنت نخدم ولا لا كيفكيف مهم نعرف نحل تمارين تاع استاذ لي يقريني لي كور
في لباك لقيت غير لي قريته في لي كور سيجي مليح صح صعيب شويا بصح جابوه غير من كوكب الارض و مكانش مقارنة بينه و بين اختبارات
نعاود نقولكم اختبارات ما تعبر لا على مستوى لا والو لي بغا يعرف مستواه يحل بكالوريات السابقة فقط (الافكار نفسها تتعاود قليل وين تلقا فكرة جديدة )
مدامك تنجم تحل تمارين استاذ مصطفاي و بكالوريات السابقة عرف بلي مستواك راه ممتاز و مديرش على نقاط اختبارات و متزيدش تعيي روحك و تسهر قرا على حسابك و على حساب برنامجك فقط و استاذتكم خليها توعر لي سيجي على روحها نهار لي تفوت لباك روح عندها ديلها سيجي تاع باك و قولها هاكي و وريني فكرة من افكار تمارين لي كنتي تمديهملنا هاد النوع من الاساتذة ميصلحش باش يكون استاذ و قدوة لتلميذ الله يهديهم

اوه افرحتني و طلعتيلي المورال و المعنويات يا محاربة:d

بارك الله فيك . دايما واقفة معانا في المنتدى هنا ، و الله مهما حفظنا و تعبنا مكاش قد النصاءح و الخبرات و العفايس ..

حتى انا ايضا أُمنية حياتي نعرف منين راهي تستوردهم ، بالنسبة للمغرب ههه لا تحاولي فتشت جميع المواقع ،، محمد الرقبة ، الاستاذ نجااري ، مسائلهم تشبه للبروغرام القديم و معظم التمارين تهدر على الفروع الانهائية...

بالاك صح مستوردين من عطارد و زحل ، انا بديت نشك صح مازالنا نشوفو تونس و دول الجوار

بالتوفيق