مشكلتنا

[مشكلتي]

سلام عليكم
انا طفلة عازبة وعندي أختين عازباتان مجاناش المكتوب ورانا نستناو فيه وعندي أخت صغيرة عمرها 20 سنة وهي متزوجة وعندي أخ مغترب من لي كان عمره 18 سنة وهو كبيرنا كامل ودركا عنده 16 سنة ثما وهو مزوج من انجليزية وعنده ولدين وعندي أخ هنيا وصغير مني وبابا ميت ويما حية ربي يحفظها ولراه يقوم بينا خونا المغترب وخونا لراه هنا في زوج ربي يحفظهم لينا المشكل ملي تزوجت أختي الصغيرة مشفنا يوم مليح وهي تزوجت من عامين خسرت الباك تزوجت ديركت وقتها كان كل همها زواج وكي تزوجت راجلها يسمع هدرت يماه ويماه سوسة صعيبة بزلف ومن نهار لتزوج ولدها وهي مامدتش يدها لشغل دار مع العلم أنها صغيرة عمرها 45 سنة برك بصح غير تقعد وتأمر واختي نية كانت تخدم بسكات وجامي شكات لنا كي تجي عندنا تدير روحها عايشة مليح ومكانوش يحبوا تزورنا دايما يعني شهر باش يسمحولها بطلة خفيفة وانا لفقتلها كي شفت يديها زروقين من ضرب وهي كانت تنكر ومبعد حكتلي كلشي وطلبت منعودش وعجوزتها كي يجي راجلها لدار برسكو هو يخدم بعيد تدير روحها ملايكة وتدير رووحها تحب كنتها وكي يروح تنحي القناع وحنيا كي نروحه نزور أختي متحبش كامل تشوفنل وتبين عيناني بلي مبغتناش وكل مرة واش ترمي علينا بالمثول وانا كي عرفت بحكياتها روحت عند أختي خطترين فسنانة وقعدت غير ساعة للمرة ثانية قاتلي عجوزتها كثرتي علينا ديو ختك ونتهناو ماشي كل مرة رايحين جايين مع العلم اننا منروحوش بزاف برك كي عرفت بقصتها وليت نحب نروح باش نشوف اذ ضربوها ولالا راجلها يضربها عجوزتها تضربها راهي عايشة فالذل وواحد الخطرة راح خويا يزورها شاف ولا رقبتها كامل حمرا وعينها منفوخة ثنا خويا عرف بلي ضربوها تدابز معهم ومبعد جاب اختي لعندنا واختي اشترطت وقتها على راجلها يدير دار وحدها وعجوزتها رفضت وحكت لكامل ناس ورجعت روحها ضحية ولختي رجعتها مجرمة وراجلها مع الوقت كرالها دار واختي رجعتله كي راحت دارها ابجديد ولات كل يوم تتصل بيهم عجوزتها وتدير روحها مريضة كل مرة واش باش وليدها يروح عندها ويشفها كيفاش مظلومة خصوصا وانها تبقى وحدها كي يروح راجلها ودارت روحها طاحت وزعما تكسرت وهكذا وليدها رجع ليها واختي رجعت باش تخدم عليها خطتها مليحة وسكنوا برك شهر في بيتهم ورجعوا ثاني لدار العجوزة وهكذا ولات اختي تدير كثر من الاول وكل مرة واش تأمرها كي روحنا نزورها خلعنا كيفاش تأمرها كل دقيقة مخلتهاش كامل تقعد معنا وأختي صبرت صبرت احنا ولفناها صبورة بصح خلعنا فيها هادي اليامات خرجت لينا بقانون الطلاق قلتنا نطلق مع للعلم هي دركا حامل بشهرها الخامس ومحبتش ترجع لدارها وسبب خويا المغترب لعمرلها راسها وقالها طلقي ورجعي تقراي واحنا كامل رفضنا طلقها خصوصا وانه راجل عجوزتها عرف كلشي قلنا له كلشي ودركا هو يدافع عليها وحتى أمر ولده يكري دار ودركل راجلها غير يجري ليها وقبل يكري دارووعدنا بلي مهما كان ماغاديش يرجع ليماه مع العلم أنه الولد الوحيد لجبته هذي المرة لدنيا بصح أختي رفضت وقالتنا بلي غادي تجوز الباك كونديدا ليبر هاذي سنة وشرات كتب باش تقرا خويا لراه هنا راه معصب بزاف حاب يرجعها بسيف وهي محبتش وشدا صحيح في هدرتها يما وحنيا هدرنا معها بزاف حتى عيينا قلنا لها بلي طلاق بمجتعمنا يعني انتهاء الحياة قالتنا هو بداية الحياة حنا ثلاثتنا عازبات ومتجوزناش حتى واحد زخكبنا مابابك بمطلقة عندها ولد شكون لغادي يقبل بيها حتى واحد بينا لها شحال من مرة بلي زواجها مرة ثانية مستحيل محبتش تفهم قالت لنا بلي كل حلمها تولي تقرا وتصير محامية تدافع على المظلومين ومتحبش تتزوج مرة أمرى قلناها دركا برك مع لبوقت غادي تبدلي رايك وغادي تفكري بزواج وهي متحبش تفهم كامل وهدرنا مع خويا المغترب بصح هو قاب بلي احنا مجرمين ومتخلفين ؤعني ظلمنا حنيا قالنا كيفاش عرفتم بلي عايشة فالذل وسكتوا والبشع انكم تحبوا تردوها بسيف قال بلي لو كان يسنع بلي رديناها يجي ويدير حالة وهو لراه غيرها ورجعها من مطيعة الى واحدة أخرى قالها بلي ملزمش تسمع لأي واحد فينا ولازم تدير لي براسها دايما وقالها متخليش خوك ولا يماك ولا خوتاتك يقلولك تديري هذا ولا هذا قالها ديري واش تحبي وواش تأمني فيه حتى لو عارضوكي الكل خويا لانه عاش فترة كبيرة بأمريكا ولا كيما هما يخمم كيما هما مايخممش كيما أحنا يعني هو حتى كي يجي عندنا ونادرا باش يجي يقعد معنا ويسقسينا بامور العاطفة بلا خجل مع العلم أننا شريفات خطينا تمسخير بصح خويا المغترب ينصحنل نتزوجه شخص لنحبه ونهار تزوجت أختي صغيرة قتلنا بتلفون كان معارض جدا قابنا مزالها صغيرة كيفاش تزوجوها زعف بزاف وقتها بصح خويا لراه هنا مسعلوش ومدها تتزوج واتصل بخويا قابه كيفاش تمدلها وهي صغيرة بزاف وزيد ما تعرفوش كيفاش تتزوج واحد ماتعرفوش وماتحبوش وخويا لراه هنا قابه لو كان علبالي بلي تعرفه نقتلها وخويا لراه هنا مايحبش خويا المغترب ويقولنا ماتهدروش معها ومنعنا قالنا خايف تتأثرو بهدرته وتوليو ماشي ملاح انا وقتها غادي نقتلكم ونشرب من دمكم يعني غير يما لتهدر معاه وىنا غير واحنيا البنات غير بالاعياد نهدروا معاه شوية برك لانه خويا نتع علينا بصح أختي صغيرة هاو اليامات تهدر بزاف معاه وخويا كسرلها للبوطابل بصح المشكل خويا المغترب يتصل لتلفون نتاع دار ويطلبها وخويا أمر أمي باش ماتعقبهاش ليه بصح المشكل خلاص تأثرت بهدرته ووولات تخمم كيما هو كيفاش نديرو معاهم.