السلااام عليكم
ان شاء الله راكم بخير اليوم جبت وصفة لي كورني سالي طلبوني الاخوات في الوصفة واليوم اردت تقديمها ان شاء الله نتمنى تعجبكم
لي كورني اولا انا خدمتهم بالعجينة المورقة كنت صنعتها في المنزل وان شاء الله راح نحط طريقة صنعها ولي متقدرش نورمال تشريها و تخدمي بيها بالنسبة للي كورني نورمال تفتحي العجينة المورقة و تقصي اشرطة على الطول و تلويها على القوالب و تفرشي ورق الطهي و تدهنيهم بصفار البيض من فوق كي يطيبو و يحمارو تخرجيهم و تخليهم يبردو و مبعد نعمروهم بالحشو بالنسبة لمقادير الحشو
نحتاجو علبة جبن طازج
جبن طري
زيتوم اخضر مقطع شرائح رقيقة
تونة زيت ونصفيها من الزيت
معدنوس مقطع رقيق
هريسة ويمكن تستغني عليها
و كاشير
وعلبة ياورت طبيعي
طريقة التحضير تخلطي كلش مع بعضاه تبدي بالجبن الطازج والياورت طبيعي و مبعد تظيفي باقي المكونات و الكاشير تقسميه على زوج كمية تقطعيها مربعات صغار وتخلطيها في الحشو ونصف تيرسيه للتوين و مبعد تحشي لي كورني تاعك و بالصحة والشفاء والصور توضحلكم اكثر
الصور في المرفق
في امان الله 
( تقرير عن مشاركة سيئة )، و الموجودة أسفل كل مشاركة .
2018-08-28, 12:07
لي كورني من مطبخي
العرض الشجري