تسمين كباش لبيعها في العيد القادم.

[mohfor2]

السلام عليكم ورحمة الله وبركاته.
انا نخدم في شركة وطنية.... شهار يعني... وشهريتي ماتفوتش 25 الف دينار جزائري.
عندنا قطعة ارضية فيها لحشيش وماء. قطعة صغيرة.
حبيت نبني زريبة او عشة كما يقولو.... ونربي فيها حوالي 4او 6 كباش صغار باش يوجدو للعيد للعام الجاي اذا كنا حيين ان شاء الله.
حبيت نعرف شحال يكون عمر الخروف باش يطلع منا للعام الجاي. وحبيت نعرف شحال تكون سومتو وشحال لازم نصرف عليه فيما يخص الاكل شعير ڨرط.... الخ.
هل نخرج فيه... يعني تشريه بسومة وتخسر عليه سومة وتربح فيه بسومة.
شكرا للافادة. وجعلها الله في ميزان حسناتكم.