طلب عاجل

[مشكلتي]

مرحبا بيكم راني بنت عمري 50 سنة مزال متزوجتش في حياتي كل همي هو زواج حبست قريتي من بكري لاني مكنتش نعرف نقرا كي رجعت لدار اخواتي ذكورة زيروني بزاف ممنوع كلشي حتى ستاج مدرتوش عندي اخت واحدة اكبر مني تزوجت غير كيما عندها 6 سنين بصح ماعندهاش درية هي حاولت تجبلي عريس وجابتلي 2 الاول كي عرف العمر ديالي هرب ثاني وافق على العمر بصح كي شافني هرب اناسمينة بزاف ومنلبسش مليح صح وجهي مليح شوية لانني زمان كانو يقلون انني اجمل من اختي بصح جسمي خسر كلشي لانني سمينة لدرجة كبيرة وجامي اهتمت بروحي يعني لا مكياج لا والوا والاعراس نرحلهم هكداك دركا راني حابة نتزوج بزاف بصح زهر مكنش انا حابة نتزوج هدا العام باش نولد لاني خايفة نستنى اكثر
كتبت المشكلة باش تدعولي ونقولكم سر كاين جارنا غير كيما توفت مرته وبصراحة هو متعلم فرماسي وشباب بزاف وابيض البشرة وكل ناس تحترمه ناس ملاح وعنده بريستيج وهو اكبر مني بسستنين عنده زوج بنات الاولى 16 سنة وثانية 4 سنين راني نتمناه بزاف راه يوالمني باش كل اللي يتمسخر عليا يسكتوا هو يسكن في الباطيمة لي راهي اون فاص مع الباطيمة نتاعنا ارجوكم ادعولي يخطبني

حابة يخطبني واش ندير ,,,,,,,,,,,,,,,,ساعدوني فضلاااااااا