ملخص 2018

[~ هبة الله ~]

صبااح الخير ، و أخيرا كمل كل تعبكم تاع عام ، ان شاء الله تكونو خدمتو كل واحد على حساب جهده و بقات النتائج ربي يوفقكم كاملين
بالنسبة ليا نفسيتي محطمة بزاااف لحد الآن مراني حاملة نهدر مع حتى واحد و الله منذ البارحة لي يهدر معايا نشعل فيه
هي صح ظروفي و دراستي و امتحاناتي مخلاونيش نقرى حتى أواخر شهر أفريل بديت بصح و الله ربي شاهد سمحت في كلشي مدة 3 أشهر قريت فيها من قلبي و بلاك كاين أعضاء هنا كنت نتنافس معاهم و فوتنا يامات مع بعض و ماكنتش قاع نرتاح حبست الخرجات ، التلفاز ، وسائل الاتصال كلها انعزلت كليا 3 أشهر حتى دارنا مانقعدش معاهم غير القرايا و القرايا
في الأخير محصلتي كاااارثة رياضيات و فيزياء تحت المعدل و العلوم مانقدرش نحكم عليها بسبب المنهجية
المواد الأدبية مانهدرش عليها ماتقدر ديرلي والو أنا كان هدفي هدا العام المواد العلمية و أكثر ما يقلقني البارح ف الليل حكمت الموضوعين تاع الرياضيات و الفيزياء و حليتهم عادي و الله حليتهم عادي في المقابل الامتحان ماقدرت ندير والو غاضتني شحاال بكيت البارح الليل كامل و أنا نبكي جهدي و تعبي راح في مهب الريح
و تقريبا ضاع مستقبلي بأجمعه زيد بن غبريط سمحتلنا نعاودو مرتين فقط و أنا انتهت فرصي كلها يعني مضطرة نقرى و نكمل في تخصص ماحاساش روحي فيه مليحة و الله غاضتني قرايتي كلها شحال من عام نكمل نقرى في تخصص لا علاقة لي به
ماجيتش نديرونجيكم ولا سامحوني بصح ماقدرتش نتحمل كان لازم نعبر راني قريب نهبل من القنطة
سلااالم عليكم ... اخوتي و شكرااا على كل المساعدات لي شاركتوني بها