للترفيه~~~ادخلوا تشوفو المنطق الماااادي

[achiever.x]

تلاقينا طاطا الفلسفة و عرفتنا هبة بعمو المنطق ههه دوك نشوفو وليد خالنا الماااادي
(كاين المنطق المادي/الفرضية)
تبع معايا برك راهي شوية طويلة مي كي تفهمو الحفظ يجي ساااهل
المنطق المادي
هو حاجة جديدة👕👕👟(كيما حوايج العيد) اوكي حديث يسموه استقرائي /تجريبي/مادي كيما حبيت عمري😜
واش هو آ بنتي لدرك مفهمتش وين حابة توصل
اصبر عليا ✋✋
هو عكس خونا المنطق الصوري هاذ لبنادم يهتم بدراسة مادة الفكر و مدى انطباقها مع الواقع الخارجي هو انسان حساس 👼مرهف ميهتمش بالشكليات كيما المنطق شفت كفاه يعني هو انسان ذو كاريزما اهاه آسيدي و ذواق (امم اتفكروا الاشهار هذاك تاع القهوة لي قالو انا نسيبي نحتاجو يكون ذواق😂😂😂 )
بصح هاذا او مجاهش بالساهل هو يحتاج لطرق و مناهج باه يكتشف الحقائق و القوانين وووو باه يعود هو ثاني مشهور أنعم.
بصح حبس حبس حبس !!!
خير؟ شكون جابو : آ جابو خونا فرنسيس بيكون (فرنسيس كي شغل فرنسا ،، بيكون :بوكيمون🐻🐼🐹🐶 😂&#128514
اممم هو يعتمد على مبادئ عقلية = الماكياج تاعو كيما :
💆السببية :لكل ظاهر سبب هاذي باينة
💆اطراد الظواهر : قالك كل ظاهر مرتابطة مع اختها و ينتج عنه التتابع كيما الليل وراه النهار منبعد النهار وراه الليل منبعد الليل وراه النهار و بلا بلا حتى يوم القيامة
💆الحتمية: قالك كون نعاودو نفس الشروط و نلقاو نفس النتائج بلا جدي راحين نخرجو بنفس الظاهرة

ياك لفوق قلت منطق استقرائي ؟؟ واش هو الاستقراء 💪💪 هو منهج قايم على الانتقال من احكام جزئية لوحايد كلية 🐔🐓🐰🐇هاذو واش :دجاجة /ديك/ارنوبين هههه كل واحد وحدو حيوان و مع بعض واش يمدولنا حيوانات (امزح انا)
مثال : الحديد يتمدد بالحرارة
النحاس يتمدد بالحرارة ، ...اذن كل المعادن تتمدد بالحرارة
و هو نوعان 2 : ناقص و تام
الناقص كيما انك حايب تشوف الماء تاع بئر اذا صالح للشرب مراحش تفرغ كامل البئر و تعايروا الا تاخد شوي انعم شوي برك و مببعد دير التعميم

اولدي المنطق المادي هذا تاع الهم مجايش من المهمل ،،عندوا وحد الكاريزما مهبلتنا كاااامل و فيه وحد الخمس مقالات و لا اكثر كيما :
هل يمكن الاستغناء عن الفرض
هل التجربة عندها دور
هل الاحكام المسبقة تساعد على التطور العلمي
هل الحصول على الحقيقة بضمانة من عقلنة الظواهر...
اخاااه شوي و نسيت كاينة مقارنة بين المنطق الصوري و المادي
اصبر متقلقش حنا هنا ملازمش نقلقوا
تبع معاي نلعبوهالهم ألا بيان اوكي شوف
شفت هذوك لي كتبتهم انا لفوق شدهم ملييييح
و درك ارواح معايا نشوفو وحد المقالة راها فالمعقول :
👍👍👍👍👍👍👍👍👍👍👍👍👍👍👍👍المقارنة بين عمي الصوري و ولد خالي المادي💀💀
💚💚💚💚💚اولا اوجه الاختلاف:
1////الصوري همو الوحيد الشكليات و الصور
المادي حساس مرهف يهتم بمادة الفكر مش صورته
2///المنطق parce que يعتمد على الشكل و انطباق الفكر مع نفسه و انطباق المقدمة مع النتيجة فهو امپوموحال يغلط
بصح $$ المادي نتائجه شوي شوي قادر صح و قادر غالط يعني نسبية (تعرفوا كاينة مقالة هنا على الحتمية)
على خاطر الصدق نتاعها مبني على الظاهرة و هاذ الرهج متغيرة متركحش خلاه و تبدل وجهها بزاااف و في اي لحظة قادرة تخدعك
3///المنطق الصوري عندو ماكياج و هوما
💅مبدا الهوية : الشيء هو نفسه : انا هو انا
💅عدم التناقض : الموجود موجود و المعدوم معدوم :يا انت او تقرا درك ياراك شاد حاجة اخرى
💅الثالث المرفوع :عدم وجود حالة ثالثة: يا اما الخير يا الشر
💅السببية:لكل ظاهرة سبب
💅 الغائية : لكل ظاهرة غاية ،،
و المنطق المادي عندو ماكياج
💆السببية :لكل ظاهر سبب هاذي باينة
💆اطراد الظواهر : قالك كل ظاهر مرتابطة مع اختها و ينتج عنه التتابع كيما الليل وراه النهار ممبعد النهار وراه الليل ممبعد الليل وراه النهار و بلا بلا حتى يوم القيامة
و ثاني واش كاين بعد رمضان كاين العيد واش كاين بعد العيد كاين الباك وبعدو شا كاين كاين الجامعة باذن الله
💆الحتمية: قالك كون نعاودو نفس الشروط و نلقاو نفس النتائج بلا جدي راحين نخرجو بنفس الظاهرة
و الماكياج تاع هذا و هذاك نسموهم مبادئ العقل راك تشوف السلعة مهيش كيف بعض خلاه ...
4///الصوري يعتمد على الاستنباط و القياس
اما المادي فالاستقراء (نظن باينين)
💜💜💜💜💜دركا اوجه التشابه :::
✌في زوج حابين يضبطوا التفكير++ميخليوناش ماشيين بعقولنا فالمهمل كي لحمير (حاشاكم)
✌في زوج عندهم ماكياج= مبادئ عقلية ماشيين بيها
✌في زوج تستخدمهم كااامل المعرفة فلسفية رياضية..
✌ في زوج يحقو وفاق الفكر مع نفسه
💛💛💛💛💛التداخل
ولد خالي المادي ميقدرش يستغنى على عمي الصوري علاه ؟؟ الاستقراء يحتاج ساعات للقياس و العكس (مصالح مشتركة آ بب)
شوف معاي المادي صح يحب خدمة يديه و السلعة نتاعو (الماكياج) بصح تعجبو ثاني خدمة الصوري متقونة و عليها لكلام كيما صح عندو المبدأ نتاع السببية بصح هو ضميروا ميسمحلوش يتجاهل مبدا الهوية نتاع الصوري (و من هنا نخرج بلي خدمة يديك عمرها لا تغرك ،،،حياتك دايمن تحتاج للناس معاك يدعموك ،،حبكم😻&#128571
اصبر يا ولدي و يا بنتي علاه دايمن نفكركم فالخاتمة:
الخاتمة تقول فيها👇👇
لايعني وجود هذه النقط من الاختلاف بان راهم منفاصلين ابدا no never ever آولدي راهم متكاملين و كاين علاقة بيناتهم(ضرك لازمك تكون تعرف تكذب باه تضرب الشيتة لولاد خوالك و عمومك آك عارف بب)

اروااااح و الله غير تقعد 😸😸
كاينة مقالة مليحة اعرف عليها شوي كون تجي 🙊🙉🙈
👧هل يمكن الاستغناء عن الفرض العلمي؟؟👧
اصلا واشيا هو :: هو من خطوات المنهج التجريبي يحطو العالم باه يفسر الملاحظة مؤقتا هكذا عمري شدها هاذي😎😎
🙋الموقف الاول:؛نعم نقدروا نستغناو على جدها و نطيشوها على خليقتنا
علاه اسمع ****
هي تكهن ، نابعة من الظنون،،خرطي،،ميتافيزيقا شوي ،،،لاتقوم على التجربة الحسية ،،،شغل هي اصلا يديرها العقل البشري و حنا اذا عملنا حاجة باينة راحين نعتمدو على تجاربنا السابقة وووو نبداو نتفلسفوا..
احكم هاذو فيها الف خير😎
قالهم ماجندي :: (ماما&جندي): اترك عباءتك و خيالك عند باب المخبر (قطعلهم الرزق الله لاتربحو)
الفرض يقيد الملاحظة شغل انت تمد فرضية و ياربي صحيحة و لا غالطة شغل قادر تبعد على التفسير الصحيح خلاه(شغل شغل شغل حسيت روحي ديدين كلاش😂😂&#128514
على بيها جا واحد ،،عبد مليح شوي اسمو جون ايوا جون ستوارت مل 😂😂😂😂 (جون/تقولشي تطبيق في Google play )
واش دار حط قواعد هوما هاذو قصات شعر للعيد جربوهم 😏
💇التلازم في الحضور:اذا حضر الدواء حضر الشفاء
💇التلازم في الغياب:اذا غاب الدواء غاب الشفاء
💇التلازم في التغير:اي تغير فالعلة يوافقه تغير فالمعلول كيما فالكيمياء ،،ضغط غاز و مشتقاته)
💇طريقة البواقي :كي يقلك اربط بسهم بين أ ب ج مع 123 يخرجلك مثلا
أ/2 و ب/3 تقعد ج و 1 بسيف بسيف بسيف يكونو مع بعض 1/ج
نتمنى فهمتوها
🙌الموقف الثاني :::
1//لولا الفرض لما استطاع العالم ان يجرب (هي صح معقولة)
2//بيها نسهلوا علينا الانتقال من الملاحظة للتجربة و ممبعد للقوانين
قالهم كلود برنارد (و الله ملقيت ليمن نشبهو&#128110الفرضية هي المنطلق الوحيد لكل استدلال تجريبي
و من هنا تخرج بشي هو بلي الفرض منقدروش نخلوه solitaire لازم نعتامدو عليه و ثاني اصلا كي انت تغلط راح تخلي عقلك يخدم و يجيب الصحيح ،،ليس كل خطأ فشل فبعض الاخطاء ترفع بك الى الاعالي

حبكم ,ادعولي راني في مهمل مع المواد العمية و اللغات ربي يجيب الخير و شاركوها مع اي حد

حبس 🙅 اياك ثم اياك ثم اياك كي تبدا دير في مقالة نتاع مقارنة تعمل روحك فحل و تروح تعرف اي طرف في المقدمة ,نخرجلك عينيك ،،فهمت بب مديرهاش عمري على جالي
ايا دكا سلام 😘😘