نصائح ربما تحتاجها

[mohamed.2000]

سلام وصحا فطوركم

ليوم مدلنا شيخ شوية نصائح حبيت نشاركهم معاكم




عند الاستيقاظ لا تتعب نفسك بمراجعة اشياء كبير راجع حاجة صغيرة مثلا قانون او رسمة في العلوم .....

لا تاكل اي شيء تجده امامك كولو حاجة خفيفة برك لي متعودين عليها

قبل الخروج من المنزل تاكد من الاستدعاء وبطاقة التعريف واذهب قبل ساعة من الوقت الرسمي للاحتياط

اياكم وياكم واياكم في الطريق الى الثانوية انو يسقسيك واحد على كاش قانون وتجاوبو مثلا يقلك هاذيك نقسموها على زوج ولا اس اثنان هنا المخ تاعك يتخلطلو كلش حذااااااااااااااااااار احكو على ماتش كرة قدم ولا مسلسل ولا كاش عفسة تضحك هههههههه

اقرا الموضوعين مليح لانو كل كلمة ولها هدف
عند بدا الاجابة بعد نصف ساعة اطلب اوراق اضافية ماشي حتى تخلاصلك لانو الناس كامل تطلب اوراق اضافية وقادر يخلاصو ومبعد يضيع وقتك كل دقيقة هي من ذهب ........

اذا حصلت في سؤال ما تفشلش وتضيع كامل الاسئلة لي بعدو ارفع راسك واخزر واتنفس مليح اشرب الماء ياك رانا فاطرين و كمل الاسئلة لي بقاو ومع الاخير ارجع ليه ومتدخلش تخدم على 20 قول ندخل نخدم على اكبر كم من النقاط

حذاري تحطو قارورة الماء فوق الطاولة ممكن تدفق في اي لحظة ههههههه ويروح تعبك هباء منثورا

قلل من استخدام المسودة بقدر المستطاع كاين لي يروحو ينظمو و يزينو فالمسودة ههههههه ومبعد ميكفيهمش الوقت

ادي لاغرافوز معاك ورتب اوراقك ورقنهم وحدك ما تدير ثقة في رئيس القسم لانو قادر تضيعلو ورقة ولا ميغرافيزيهمش مليح (لا تثق الا في نفسك )

اذا كان امر اضطراري باش تخرج للمرحاض روح تجريييييييييي وارجع تجرييييييييييي خاصة في العلوم والفيزياء والرياضيات

حذاري من النقاش في الاجابة مع زملائك لان ذلك راح ياثر على ما بقي من امتحانات اخرى ولي فات مات ههههههههه

المهم هذا ما تفكرت لحد الان اذا كاش ما تفكرت راني نزيد نكتبهم و لي عندو اي اضافة يحطها هنا

وان شاء الله كامل نجيبو الباك ونجو نفرحو لهنا فالمنتدى ونديرو عرس هههههههههههه