سفنج رووووعة ناجح من اول مرة حتى ولو كنتي مبتدئة بالتفصيل الممل 😁😁😁

[حياة نور الدين]

السلام عليكن

اليوم جبتلكم وصفة سفنج مبطبط ومبنبن كما انا ههههه�� يستاهل التجربة والوصفة شفتها في اليوتوب للامانة وناجح من المرة الاولى حتى ولو عمرك درتي سفنج وخفييييف





المقادير
كاس ماء دافئ
رطل فرينة
مغرف كبيرة سكر
مغرف كبيرة خمارة الخبز
ملح
وصاحبة ابلوصفة دارت صفار بيضة وانا نسيت �� وهكاك جا هايل



في صحن غامق نحط مغرف السكر والخمارة ونضيف كاس الماء الدافئ ونخلط بالفوي مليح نضبف ملاعق فرينة ونخلط حتى يصبح القوام كما البغرير نحبسي (5 ملاعق كبار فرينة تفي بالغرض وكل واحدة وفرينتها)
نخليها تخمر 10 دقايق انا خليتها اكثر كنت نغسل في الماعن تقريبا 20 دقيقة ��










نكمل الفرينة اللي بقات ومغرف ملح ونخلط بيدنا حتى تتلم نتحصل على عجينة ناشفة نضيف الماء بالعقل ونلم ندخل كفنا تحت العجينة ونخرج لبرا حتى نتحصلوا على عجينة طرية وشوية مطلوقة وتلصق باليد نغطوها ونخلوها تخمر كي تخمر نكسرولها التخمار كما قلتلكم ندخل كفنا تحت العجينة ونهبطلها الخمور نكرر العملية للمرة الثانية ونعاود نخليها تخمر وكل مرة شمخي يدك بالماء باش متلصقش العجينة









في المرة الثالثة نحط يدنا في الزيت ونشكل خبيزات كما تع المسمن ونحطهم في صحن او سنيوة مدهونة زيت
نجيب زوج مقلات واحدة نحط فيها 6 مغارف زيت والاخرى زيت غازر نحطهم يسخنوا نشكل حبة السفنج نحطها في المقلة الاولى تع 6 مغارف زيت نخليها بلا ما نرمي عليبها الزيت كي تتنفخ نرفدها ونحطها في المقلة الغزيرة ونرمي عليها الزيت بالمفرف حتى تنتفخ وتتبلبط كي طيب من تحت نقلبها وبعد ما طيب من الجيهتين نحيها ونحطها في كسكاس تقطر ���� عيييت هههه