كالعادة مع الجزائري والجزائرية هو وهي ههههه

[حفياد آدم]

مشاهدة مباريات
الزوج والزوجة في الجزائر
كيف يتحدثو
هي: حبيبي واش راك أدير
هو: راح يبدا الماتش نروح نتفرج
هي: نجي نتفرج معاك
هو: لا حول ولا قوة إلا بالله العظيم
هي: علاش لي جواغ ديما يبزقو ياخي خماجات
هو: يبزقو على لاربيتر
هي: الشوالي كيفاش حفظ الأسامي تاعهم كامل
هو:لالا يقرا من الورقة
هي: لاربيتر على ما يبدلوهش
هو:علاش يبدلوه
هي: يدخل هاذاك اللي يجري مع الخط
هو: اتفرجي باش تتعلمي
هي:على ميسي ما يلعبش مع اسبانيا
هو: ميسي راهو من الأرجنتين
هي:شوف شوف ماركاو هدف
هو: لالا ماهوش هدف هذا hors jeux
هي: واش معناها hors jeux
هو: لالا راهو هدف كملي أتفرجي برك
هي: لاربيتر قداش يخلص
هو: 50 مليون
هي:فرنسا ياخي معاها زيدان
هو: هيه فرحتيني راكي تعرفي شوية بالون
هي: علاش مالا مادخلش يلعب
هو: على خاطر إنتحر
هي: يا لطيف على واش
هو: على خاطر تفرجت معاه مرتو
هي: واش بيك ماتشوفش فيا كي نهدر معاك
هو: على خاطر راني نتفرج فالماتش
هي: لالا ملي جات أمك قبيلة مانعرف واش قالتلك راك ماكش مديها فيا
هو: أعوذ بالله من الشيطان الرجيم
هي: تسمى أنا شيطان
هو:شرطاف طاف طاف شرطاف طف
الخبر+الشروق+النهار
رجل يقتل زوجته من أجل مباراة في كرة القدم…