أرز بصوص البافالو من مطبخي Buffalo Rice

[إلهام07]

على بالي غبت وطولت شوية وعلى هذي جبت معايا وصفة من احلى وصفات الأرز لعشاق الأرز وعلى بالي راهم بزاف

الوصفة موضحة بالصور والمقادير في الأسفل أتمنى جربوها وتعجبكم مثلما اعجبت عائلتي وكل من تذوقها
الوصفة فيها مكونات مختلفة وغريبة لكن صدقوني طعمها خاص ومميز يجي طعم ما بين حلاوة خفيفة وحماضة ونكهة مركزة رووووعة

حبيت فقط أشير إلى انو ممكن تعملوها بالمتوفر عندكم انا كانوا عندي بقايا : حبات مرقاز + نظفت الجاجة وقطعتها بقاو قطع من الاسكالوب صغار وأجنحة وطبعا ممكن تعملوها بقطع دجاج كبار حسب المتوفر عندكم .

المقادير: ( هذه المقادير لـ 4 أو 5 أشخاص )

- كاس ونصف أرز بسمتي
- قطع دجاج حسب المتوفر ( أنا أضفت حبات مرقاز )
- أربع ملاعق زيت + ملعقة زبدة للقلي
- 4 ملعقة كبيرة كاتشاب ( تعطي لون وطعم رائع )
- ملعقتان كبيرتان من الطماطم المصبرة
- بصلة كبيرة مرحية
- 4 فصوص ثوم مرحيين
- هريسة ( الكمية ترجع ليكم انا حطيت ملعقة كبيرة )
- 2 ملعقة كبيرة خل
- ملعقة كبيرة سيرو الرمان ( إذا مالقيتوش ماشي مشكل وماتخافوش مايبانش ولكن يعطي لون رائع للصوص )
- زوج ملاعق كبيرة عسل ( ما تخافوش مايجيش حلو الروز
- 2 مكعب مرق دجاج ( هيه زوج
التوابل : ملح- فلفل أسود - كسبر - كمون ( مانكثرش )- بودرة ثوم- توابل الدجاج- فلفل أحمر

الطريقة :

- نغسل الأرز البسمتي جيدا بالماء البارد ثم ينقع في الماء .
- نحط الكوكوط على نار متوسطة الزبدة والزيت ورشة خفيفة ملح وكي يسخنو نحط الدجاج والمرقاز ونحمرها على الجهتين
هنا كي تحمرو ....نحيتهم من الكوكوط حطيتهم في صحن و نقصت شوية من هذاك الزيت اللي في المقلاة وحطيت في نفس المقلاة باش نستفاد من طعم الجاج : ثوم وبصل وقليتهم شوية ثم اضفت الهريسة والطماطم المصبرة والكاتشاب وقليت شوية ثم حطيت كل ماتبقى من مكونات ومرقت بكاس كبير ماء ونخليتها طيب وتتسبك شوية ( نتحصل على صوص خاثرة )


- أضفت الدجاج والمرقاز وخلطتها في الصوص وأغلقت الكوكوط خليتها طيب وتأخذ من نكهة الصوص ( على نار هادئة جدا ) ...تحتاج حوالي 20د
- نفتح الكوكوط وننزع قطع الدجاج وحبات المرقاز ونزيد نمرق ونصفي الأرز من الماء ونضيفه ونخلط مع الصوص ونذوق الملح إذا محتاجة نزيد .
- نغلق الكوكوط ونخليها على نار هادئة جدا حتى ينضج الأرز ويتشرب الصوص .
يقدم مع قطع الدجاج والمرقاز .

جربوه يا بنات لذيذ جدا مممممممم

وهذي الصور للتوضيح





















تحياتي ..... انا لهلوبة