ملخص شاامل للمناعة على طريقتي (جزء 3)

[سُـــمَـــيَّـــه]

[FONT="Amiri"]

السلام عليكم ورحمة الله تعالى و بركاته
نتمنى تكونوا بخبر و على خير
اليوم ان شاء الله نكمللكم الجزء الثالث تاع المناعة بشررح مبسط و على حساب مانفهموا حنا
و ان شاء الله ندير موضوع نجمع فيه كامل الأجزاء باش تسهل عليكم تتصفحوه من بعد مين تراجعوا
اححححمممم نبدوا : توقفنا عند الحالة الثانية للدفاع عن العضوية
هادي الخطرة نجيبوا فأر تجارب مسكين نحقنوه بالعصيات الغير ممرضة bcg و نقارعوا 15 يوم كي العادة نننزعوا اللمفاويات التائية lt تاع الفأر و نحقنوها في فأر آخر و معاها نحقنوا عصيات كوخ المميتة نلاحظوا بلي الفأر قعد عايش و منه نستنتجوا بلي في الحالة الثانية تتدخل اللمفاويات التائية باش تدير مناعة للعضوية بعد 15 مي المشكل كيفاش تأثر هادي اللمفاويات التائية ؟ أتخيلوني خلية مصابة و نتوما اللمفاويات التائية في تجربة 1 نجي انا في علبة بيتري (انا الخلايا المصابة ) موراها تلقوا بلي 90 بالمئة مني ماتوا خخخخ قتلتوني حرام عليكم
معناه اللمفاويات التائية تتعرف و تقضي على الخلايا المصابة ... مليح دوك نكملوا باش تتعرف التائيات على الخلية المصابة يلزم يتحقوا 3 شروط يكون متماثل ال cmh معناه مشي تاع زوج فيران و لازم تاني يكون نفس الفيروس اللي يصيب العضوية و طبعا اهم شيئ و هو وجود إصابة معناه تكون عندنا خلايا مصابة
باش نعرفوا طريقة تأثر التائيات وجدنا بلي اللمفاويات التائية مين تتعرف و تتلامس مع الخلية المصابة تصنع قناة حلولية و تفرز البرفورين اللي يكون في الحويصلات الافرازية عند التائيات (اللمفاويات التائية ) بعدما تفرزه تتشكل القناة و يدخل الماء و الشوارد و تنفجر الخلية المصابة
باش نتعرفو على مصدر اللمفاويات درنا تجربة و لقينا بلي اللمفاويات التائية تنشأ في نقي العظام و تنضج و تتمايز في الغدة التيموسية (السعترية)

و الآآآآآآن أهم عنصر هو آلية انتقاء النسائل اللمفاوية التائية من قبل الغدة السعترية ركزوا معايا
في غياب المستضد معناه قبل مايدخل غريب للعضوية >>>> تدخل الخلايا التائية بعد نضجها الى المنطقة القشرية من الغدة التيموسية تكون اللفموافيات التائية غيل طلائع معناه ماعندهاش شخصية
مين تدخل للمنطقة القشرية تكتسب المستقبلات الغشائية tcr و مؤشري cd4 و cd8 موراها تروح للمنطقة اللبية من الغدة التيموسية باش يتم انتخابها
تجي الخلية المصابة على أساس هي الخلية العارضة و تديرلها اختبار
تمدلها البيبتيد الذاتي و hla 1 و hla 2
إذا الـ lt تعرفت على البيبتيد و على hla في هادي الحالة يتم اقصاء الخلية و يسمى الانتقاء السالب
و اذا اتعرفت على hla 1 تتمايز إلى lt 8 عن طريق احتفاظها ب cd 8 و رميها لـ cd 4 و تروح للعضوية عادي و يسمى انتقاء موجب
و اذا اتعرفت على hla 2 تتمايز إلى lt4 عن طريق احتفاظها ب cd 4 و رميها ل cd 8 و يسمى تاني انتقاء موجب
و لكن إذا اتعرف على البيبتيد الذاتي و ماتعرفتش على hla في هادي الحالة تموت الخلية اللمفاوية ديركت خاترش اتعرفت على البيبتيد الذاتي معناه قادرة تقضي هي بنفسها على العضوية مين يجي المستضد
يتم تحفيز اللمفاويات المنتقاة بالاضافة الى اللمفاويات البائية من قبل الـ lt 4 معناه تصبح مساعدة الدور تاعها افراز الانترلوكينات il2 معناه لازم اللمفاوية lt 4 هي اللي تتمايز الأولى باش تلقى الوقت باش تحفز باقي اللمفاويات
و البالعات لها دور في اختيار نمط الاستجابة المناعية الملائم و لكن الاختيار يكون مرتبط بالمستضد تتنشط كالتالي :
الخلايا العارضة تنشطها بواسطة il 1
و بعدها تنشطها الخلية المساعدة lt h بواسطة il 2 و في نفس الوقت الخلايا المساعدة تحفز تاني اللمفاويات البائية
انتهىىى
دعواتكم

[/FONT ]