رفع المعنويات :)

[Soumia Bkl]

السلام عليكم ...جيت نطلعلكم المورال أنا تاني قلت نقرا فالعطلة و كانوا ظروف و ماقريتش ...نورمال مازال الحال ماشي كي نقولوا مازال معناتها نتكسلوا ..لازم نبداو بجدية كتر و نراجعوا بذكاء و أهم حاجة نديروا برنامج مليح ... أنا الأخ تاعي كان ممتاز و مبعد كي وصل الباك طلق كامل ولا ميقراش ... و الله غيرحتى بدا يقرا فالعطلة تاع الربيع بعد محاضرة لمدة ساعتين داروهالوا بابا و ماما ههههه و جاب الباك 15.80 رياضي ...مي مالازمش نتهاونوا من دوكا لازم نبداو -- لازم منخليو حتى مادة نقراو كلش أساسية و لا ... لأنو كيما قلت الأخ جاب هذاك المعدل غير بالفيزيك 19 و الماط 18.5 . الفرنسية 18 و الانجليزية 19 أما المواد الأخرى ماجابش مليح كامل لأنو مقراهمش دونك كان قادر يطلعلوا كتر و كتر ...ههه كترت الهدرة المهم حبيت نطلعلكم شوية المورال نتوكلوا على ربي نقراو وربي مايخيبناش نشالله بالتوفيق ...