طريقة جديدة للعجينة مورقة اكيد راح تعجبكم بزااااف

[زوجي توأم روحي]

المشاركة الأصلية كتبت بواسطة حياة نور الدين

السلام عليكن

جبتلكم اليوم اروع عجينة مورقة وناااااجحة حتى للمبتدئات
اسمحولي مصورتش المراحل طفاتلي التابلات بصح وعد هدوا اليامات نعاودها ونحطلكم الصور



المقادير

انا استعملت 200 غ فرينة وضفت 200 غ مارغرين توريق ( تكوني خرجتيها من الثلاجة بمدة قبل باش تطرى)
10 ملاعق ماء( نستعمل ملعقة اكل ماء لكل 25 غ فرينة مارغرين ) وتقدري تضيفي اكثر حسبب نوع الفرينة
ربع ملعقة صغيرة ملح

في صحن نحط الفرينة والمارغرين مقطعة قطع صغيرة والماء والملح ونلمها باصابعنا برك وندخلها للثلاجة ترتاح ساعة
نخرجها ونقسمها 8 كرات
نحل كل كرة وحدها بعد ما نكملهم نحطه فوق بعضهم ونحل بالحلال شكل مستطيل بعدها نطوي عجينتنا على شل ظرف كالعادة يعني ندير tour ونحلها بالحلال ونطبع العجينة تاعنا ونحط الحشو وندخل الكوكا تاعنا للثلاجة بعد ما ندهنها بصفار البيض ونخليها نصف ساعة نخرجها ونعاود ندهنها بصفار البييض والى الفرن على 240 درجة حتى طيب

بارك الله فيكي وجعله في ميزان حسناتك