فطاير سريعة بدون فرن ولا قلي

[pubmailor]

* المقادير

كأس ماء

نص كأس زيت

4 ملاعق كبيره حليب بودرة

ملعقة كبيره خميرة

ملعقة صغيره باكنج باودر

3 ملاعق كبيره سكر

3 ملاعق كبيره زبادي (حوالي نصف علبة الزبادي الصغيرة )

اخلطيهم كلهم بالخلاط

وبعدين انخلي 3 كاسات دقيق وصبي اللي بالخلاط عليه واعجنيه ( يمكن تحتاجين 3 كاسات ونصف دقيق )

* الطريقة

بعد ماتعجنيها طبعا وتتركينها تخمر قطعيها كور صغيره وافردي كل كوره إلى أقراص صغيره.

راح استخدم الشواية الكهربائية

ادهنيها زيت وسخنيها وبعدين حطي حبتين من العجين عشان أسرع للوقت ولو تأخذ أكثر من حبتين حطي.

المهم سكري الشواية واتركيها تقريبا دقيقتين وشوفي شكل الفطاير شلون تطلع منتفخة ومتحمره..أهم شي تكون الشواية حاميه.. وإلا تصير يابسة الفطاير..

طلعيهم ولازم تغطيهم بعد ماتستوي عشان لاتنشف وتخرب..ادهني الشواية مره ثانيه وحطي عجين ثاني وكملي لحد ماينتهي المقدار ماياخذ وقت كثير..

لما يبرد قصيه كل حبه لنصفين شكلها يطلع مثل الجيب.

احشيها دجاج بالخضار أو أي حشوه تختاريها ممكن جبنه أو حتى مربى