مادلين النمر

[سوسن تسنيم]

السلام عليكم و ألف مرحبا بكم يا اغلى الناس
كما عودتكم في الوصفات السابقة لازم تكون اللمسة لي نغيرو بها من الاشكال لي تعودنا عليها
و لهذا اليوم جبتلكم مادلين النمر
يعني النمر لي كامل الناس تخاف منو راح نطيبوه و ناكلوه هههه نضحك معاكم برك انا ثان نخاف من النمر
نبداو فالوصفة بعد بسم الله
المقادير :
4 حبات بيض
10 مغارف كبار سكر
10 مغارف كبار زيت
1 كيس لافاني
2 كاس تاع اتاي حليب
كيس خميرة كيميائية
2 كاس فرينة ( عينكم ميزانكم فالفرينة راكي تعرفي العجينة تاع المادلين لازم تكون شويا سائلة )
نخلط المكونات جيدا و بعد ذلك ناخذ من الخليط 4 مغارف كبار
2 مغارف نضيفلهم نصف مغرف صغيرة كاكاو و نخلط لكي اتحصل على لون البني الفاتح
و 2 مغارف لباقيين نضيفلهم 2 مغارف صغار كاكاو و نخلط للحصول على لون بني غامق
احكمي لمول تاع المادلين تاعك و فرشي فيهم ليكيسات و فرغي فيهم الخليط الأبيض
و زيني بالخليط البني الفاتح و ديري الحيز البني الغامق كما هو موضح في الصور المرفقة
و الى الفرن و بالصحة و الهناء .