أختنا [[على رصيف الأمل]] ضيفة تحت المجهر

[سطايفية بكل فخر]

اهلا بالمغوار الفومبير الذي ربحته وخسر التحدي هه
ثم الله يبارك ورائك جيش من الفومبيرات شايعة غير عليك انت
+
ههههه الحمد لله لي ضحكتو اسيدي ومكنتش صامطة
+
وزيد الاكل هذاك متخافش ناكلو وحدي انت اجبد روحك بركخخخخ
+
ايييه صاحا مالا قوتلي مكان خالي
شوف نهبط انا
واني ثلاث احتمالات
اولهم نقرا القران ممكن جننون مهمش عباد راك تقول مهجور وشا جابهم ثما فيها لوش هذي ههههه
اذا بقاو ومراحوش ثما نروح للاقتراحين الثانين
الاول نشوفهم اذا بنات فاميلة وخاطيهم المشاكل وعندهم ظروف هبطتهم ثما
وقتها نقولو طلعهم في زوج منخليهمش مورايا ورايحة نتحمل المسوولية انا ونجيبلو البارمي لنحاوهولو الحمد لله نعرف كل منتدى الجلفة اكيد فيه معهريفة تجيبلي اللبارمي وخويا حاضارات وشا بيك هههه
اما اذا شكيت فيهم بلي مهمش بنات فيملة وش اجرام
وقتها نقولو متهزهمش في زوج
ونكملو طريقنا بامان
مكانش لي ضربهم على يدهم وقلهم اقعدو في مكان مهجور
ايا قولي وشا درتو انتم
+
ههههى شفت مرمدوني بصح انا لها والله نقهركم كاملين

المشاركة الأصلية كتبت بواسطة ڤولدن تاي

بالرغم من أنّنا التوأم الشهير جلفاويا " تاي و سطاي " وولدنا افتراضيا في نفس المكان إلا أنكِ تملكين من جينات المرح و الفرفشة لي ورثتيها من جدودك أكثر مني
بن عمّي ما قدرتلكش و لم أستطع مجاراتك بهذا الريتم و أنتِ من تستحقين لقب سطاي المشاكسة و ليس أنا ، أنا تاي العاقل
صدقا يا سطايفية من يقرأ لك ردودك سيستمتع حقا بخفّة دمك و تجتاحه نوبة ضحك هستيرية لا ينفع معها لا السيلينسيو و لا الفيبرار
حتى البكّوش و العقّون و المتوحّد سينطق من هول الضحكة ههه
الله يديم البسمة و الفرحة على الجميع

نعود للسيريو الآن ... راح نرجع كيفك شوية هزل و شوية جد و الإنتقال بينهما يكون باستعمال transition كالمستعمل في برامج المونتاج للفيديو
و قبل ذلك ما نخلّوش في قلبك تلك الطلبات السابقة فقد أحصيتها عدّا و لهذا قد جلبت لك الزردة و زاد الأسبوع
ثم أخشى أن تقوم الأخت جميلة بمصادرة جميع ما سنعرضه من سلع بدعوى أنه يمنع دخول السلع الأجنبية المستوردة لمعتقل غوانتنامو
نبدو بسم الله

تفضلي السندويتش المكسيكي و الهامبرغر تاعهم ماعلاباليش حتى واش هوما مكوناته





و الكوكا و البيبسي في زوج خيري بيناتهم




كراكيب النوتيلا بالموز





و برّاد عصير تاع الفريزة





ملاحظة : كاش أفار تاع توكسيكاسيون تصرالك بعد هاد التشكيلة أنا خاطيني ههه و مزيّة عندك بنت عمّك أبجد فرماصيانة تمركيلك الدوا باطل ههه
و ماكان علاه تدخلينا أنا و بابا المكارم بزعم كاين ثلاث سندويتشات و زوج كيسان ووو ... ارهجي وحدك باش أوموان يبقا واحد يوصلكم للسبيطار ههه


ندخلوا لجو الأسئلة الآن
حقيقة مخّي راه أونبان الآن ما عييت نعصر الريزو ما كانش لهذا سأنتقل إلى البلان b
هناك حادثة قد وقعت لي في قديم الزمان أثناء السفر و سأضعك في موقف افتراضي مُستلهم من تلك الحادثة لنرى كيف سيكون تصرّف السطايفية


so are you ready ?

امتحان بسيكوتقني (+ 10)

في يوم من الأيام كانت السطايفية على متن حافلة نقل المسافرين متوجّهة لمكان ما
و بينما الحافلة تسير لمحتم من بعيد على قارعة الطريق أمامكم امرأة عجوز و بجانبها فتاة جميلة صغيرة في السن يلوّحون للحافلة من أجل التوقّف
يعني كيما نقولو كانو يديرو في الستوب
و مع العلم بأن ذلك المكان الذي كانت فيه تلك العجوز و تلك الفتاة نائي و مهجور و لو نظرتِ يمينا أو شمالا فلن تري إلا الخلاء
الآن توقفت الحافلة عندهم و لكن يوجد مكان شاغر واحد فقط تستطيع المرأة العجوز أو تلك الفتاة الجلوس فيه
و لم تكن تلك العجوز والدة الفتاة و لا جدتها و لا تربطها بها أي علاقة بل كل واحدة منهما كانت تقصد وجهة مختلفة
اعتذر لهما روسوفار الحافة قائلا بأنه يمكنه اصطحاب واحدة فقط
و مبرّرا ذلك بأنه يوجد في الطريق حاجز أمني "ليجوندارم" سيعاقبونه إن رأوه يحمل شخصا إضافيا واقفا
تعالت صيحات الركّاب و زاد صخبهم فمنهم من يقول : يا روسوفار دع المرأة العجوز تركب فهي كبيرة في السن
و لا تتحمل الوقوف طويلا و نربحو منها دعوة الخير
و الفريق الآخر من الركاب الشبيبة و لاجوناس الذين أبهرتهم تلك الفتاة الصغيرة بجمالها
صاحو مطالبين بصعود الفتاة الجميلة و لم يأخذوا بالحسبان المرأة العجوز
و بينما الجميع على هذه الحال من مدّ و جزر في الآراء انتفضت السطايفية بصوت حازم و واثق مخاطبة الجميع :
يا جماعة حبسوا أنا راني مخضرمة و نعرف في كلّش و راح نقوللكم شكون لازم تركب !
فتوجهت جميع أنظار الركاب بما فيهم العجوز و الفتاة لترقب ما ستدلي به السطايفية ...

فمن كانت لتختار السطايفية لتصعد على متن الحافلة و تجلس في ذلك المكان ؟

و هل كانت لتفضل الفتاة الجميلة و الصغيرة على المرأة العجوز و تربح من عند العجوز دعاوي الشر هههه
أم كانت لتفضّل المرأة العجوز على الفتاة الصغيرة و تترك الفتاة عرضة في ذلك المكان المهجور و النائي للذئاب البشرية و التماسيح هههه

بعد إجابتك سأعود لأذكر لك مختصرا من القصة الحقيقية
ثم أرى بأن جماعة مصاصي الدماء قد كانت من ورائي خير خلف لخير سلف

الله يعينك و بالتوفيق ... راكي شافّتني صح
أعتقد أنه الوقت المناسب لتلك الفسحة و الرحلة الصحراوية التي اقترحها الأخ باهي من قبل و ليخفّف الضغط عنك قليلا