هبلت ، و هبلتكم معايا

[mehdi_mascara]

السلام عليكم

علابالي سمطتها شوية بمواضيعي التافهة ههه ، تقول الأرض رافدة مشاكلي فقط لكن واش ندير الله غالب

كلش راهو يتعكسلي واحدة ورا اختها

بداية بمعدل الباكالوريا السيئ ،

إنتقالا إلى عدم إعطائي لإختياري الحلم اللي هو mi

إلى الإختيارات التي لا تصلح ،

ثم بعد أن وقعت أعيني على إختيارات جميلة و لها مستقبل و بعد أن انفجر رأسي من البحوثات عنها ، لم يعطوني و لا واحدة منهم بسبب معدلي السيئ طبعا ،

ثم إلى توجيهي إلى المرحلة الثانية ،

ثم إعطائي إختيارات أسوء بكثير من الأولى ، كأني أدبي تماما ،

ثم توجهت مجبرا لا مخيرا إلى st ،

أعطوني st ، و قلت ماعليش نروح لتفرع جميل في السنة الثانية ، لكن لو درست في معسكر أدرك و أوقن أني لن أنتقل إلى السنة الثانية أبدا ما دمت هنا ، بل لن أستطيع حتى إكمال semestre

قلت نبدل إلى جامعة في ولاية أخرى ، و وقع إختياري على USTHB نظرا لأنها تعتبر من أفضل الجامعات بالجزائر و الدراسة بها كيما نقولو dur شوية يعني لازمك تتعب

و أنا أنتظر سبتمبر و فترة التحويلات على أحر من الجمر ، حتى واجهني موضوع يشرح عملية التحويلات ، و في خضمه يقولون أنه يجب عند طلب التتحويل من ولاية لأخرى إرفاق سبب ، و الذي يكون عادة شهادة إقامة في الولاية المعنية ...

أنا و الله لوكان ما نديرش تحويل ، ما نسجل في جامعة معسكر ما والو ، نخلي كل شي هباءا و نقعد و خلاص ، ما بقاتليش قراية


أنا كيفاش راح ندير ضرك ، كيفاش راح نجيب شهادة إقامة ، واش راح نرفق كسبب ،فكرت في أني نقولهم أنه الformation لي راني حابه في الليسانس موجود في USTHB و غير موجود في معسكر و اللي هو Pharmaceutiqu أو Raffinage et Pétrochimie و لكن خايف يجبروني السنة الثانية نديرهم و أنا ما حابهمش و خايف السبب يكون غير مقنع و ما يقبلونيش ، قولولي كيفاش ندير ، نجيب إقامة ؟ منين ؟ كيفاه ؟ ندبر عرف ؟ لا حول لي و لا قوة ، و لا عمل لي مع العرف ...

ضرك تحولت من أكبر أحلامي لي هو نروح لأمريكا و مختار للمدينة و مختار للأسلوب و حافظ لقوانينها و عارفها ربما أحسن من اللي راحولها هه ،
إلى حلم صغييير و بسيط أني نروح نقرا في USTHB ،

أي مساعدة ، أنا بحاجتها ، أرجوووكم ، أنا أترجاكم ، آسف على الإطالة لكن لم أجد أشخاصا أحبهم و أحكي لهم ما بي إلا هنا ،