دموع الأسى على الحلم الضائع والمحطم

[ام حمزة22]

السلام عليكم

اختي ملاك تاثر كثيرا بما سردته اختي وتقريبا نفس المشكل لي مريت بيه
قبل ما نجوز البكالوريا جاو اهل زوجي يخطبوني انا رفضت وقلتلهم نكمل نقرا ما رانيش نخمم فالزواج ما زلني صغيرة
كانو اهل زوجي كل يوم يترددو على بيتنا وبالحاحعم والدي قبل بعد ما شرط نكمل قرايتي عندهم للاسف ما تحصلتش على شهادة البكالوليا لكن حبيت اعيد السنة ووعدوني نعاودها
لكن كانت وعود كادبة وبقيت فالبيت وخديت مسؤولية كبيرة ما كنتش مستعدة ليها وانا صغيرة فالعمر
الحيت على زوجي نعاود الباك او نسجل في مركز تكوين مهني لكن انصدمت بردة فعل اخ زوجي يقلي حنا ماعندناش نساء لي تخرج من الدار وزوجي ما قدرش يحرك ساكنا من قرار اخوه لانه كان الاكبر
بقيت فالبيت وجبت دراري 2 دكور و2 بنات وقلت في نفسي ان شاء الله هما لي يديرو لي ما قدرتش نديرو في حياتي والحمد لله كانو من الناجحين الاوائل وكل ما ينجح واحد فالباك نقول انا لي نجحت والحمد لله ربي يحفضهملي ويبعد عليهم العين لان عنيت من عيون وضبيح الناس عليهم

ملوكة راني كتبتلك جرنان وصرعتك بحكايتي

المهم ربي يحفضك حبيبتي ويطول في عمرك وتشوفي ولادك في اعلى المناصب يا رب

تحياتي


سلااام