الساحرة الداكنة الفاخرة

[سحابة باردة]

السلام عليكم

اليوم وبعد الكثير من التجارب مع كل أنواع الكيكات وصلت إلى الكيكة الساحرة كيتجربوها تفهموا مغزى العنوان

منطولش عليكم نبداو بالمقادير بسم الله ;;

ثلاث حبات بيض

قرصة ملح

كاس ماشي معمر سكر

ملعقة صغيرة لافاني

نصف كاس زيت

كاس حليب

ثلاث ملاعق كاكاو أسود مر ذو جودة عالية ولا متنجحش الوصفة

كيس خميرة

مقادير الصلصة كاس سكر كاس ماء ملعقة صغيرة نيسكافي يمكن الإستغناء عنها والإكتفاء بملعقة كاكاو كبيرة

الفرينة حوالي كوبين ماشي معمرين سفينة ولا ماما

نروح لتحضير

نخلط البيض مليح بالباتور مع السكر ولافاني والملح ثم نزيد الزيت والحليب

ثم نضيف ملعقتان فقط من الكاكاو ونخلي الثالثة وحدها ذرك نرجعولها

ونزيد الفرينة والخميرة مغربلين ثم نسوي الخليط وإلى الفرن الساخن على نار هادئة 40د ولا على حسب الفرن انتاعك

ثم نضع في إناء أاخرى كاس السكر نتركه يذوب حتى يولي ذهبي نزيدلو كاس الماء يغلي ربع ساعة المهم نحصل على عسل انطفي النار ونزيدلو ملعقة

الكاكاو وملعقة النيسكافي ونخلط بي الفوي ولا الباتور باش متبقاش فيه كتل

وكي انحي الكيكة من الفرن نقسمها إلى مربعات نسقيها بصلصة الكاكاو ونتركها تبرد

ثم استمتعو بألذ كيكة