مصدوووومة، ماذا أفعل معها؟؟؟

[مشكلتي]

السلام عليكم،،
و الله ما عرفت مين نبدااا ،أنا مصدوووومة مصدومة من تصرفات أختي الصغرى لقد تغيرت كثييييرا لما انتقلت الى المتوسطة ، أصبحت تهتم بمظهرها كثييرا،تسرح شعرها كل يوم بعدما كانت بالكاد تمشطه من شدة اهتمامها بالدراسة،أصبحت تهتم بالمودا حتى!! و عندما أحدثها عن الحجاب تقولي ماشأنك و مارانيش نخمم فيه و و و... تقولون لي لماذا لم تتدخل عائلتك؟؟ عائلتي جد متساهلة معها!!! يقولون دائما بأنها مازالت صغيرة و خاصة أمي تثق فيها ثقة عمياء..المهم،الحكاية ما تحبسش هنا..درك انتقلت للثانوية زادت تبدلت أكثثثر ،كنت دائما ما أشك فيها و في خرجاتها حتى السادسة مساءا تخيلوا!!! و والدي مايقولولها والو لأنها تكذب عليهم تقوللهم كنت مع صحبتي و يماها، و قدماش حاولت نبينلهم بلي راهي تكذب يرجعوني أنا الموسوسة و المشكاكة !!!! عرفت رقم هاتفها السري كي كانت راقدة اليوم رحت شفتو وجدتها تحادث الذكور !!!! و التقت من قبل مع 3 معا ؛ حبيب و صديقان !!!!و رسائلها مع صديقاتها غير الشتم و ... و الله مصيييبة ،أنا تحت الصدمة لم تكن هكذا أبداااا شوية و نقول ماشي ختي هادي!! كيف أتصرف؟ ان أخبرت أبي أو خالي و الله يقتلووها صح و ان قلت لأمي ستسامحها كالعادة
أمي متساهلة معها بزااف لأن نتائجها جيدة و هذا هو المهم بالنسبة لها!
و ربما مايصدقونيش أصلا!!! بل و كيف سأتصرف معها؟؟ خلاص الطفلة ضااااعت كيفاش راح نبدلها أنا؟؟؟
ملاحظة : و زعما أبي دارها تقرى في ثانوية خاصة بالبنات فقط كيما قرينا حنا كامل و ماشي زعما على جال الاختلاط أو باش يزيرها و يعسها لالا ، برك لأن في تلك الثانوية يقراوو صح و على جال المستوى..كما قلت في السابق عائلتي جد متساهلة..تهمهم الدراسة فقط.
و من ناحية النصح و الله غير نصحتها شحااال من خطرة!!! و حتى الصلاة ما تصليش ، مع الأول كانت تقولي ايه غدوة نبدا راني نخمم..و تبداها فعلا اومبعد تحبسها درك وليت نقولها نوضي تصلي تقولي عيناني "مانصلييييش!!!!!" درت معها كلش حاجة ما نفعت،ماقدرتلهاش وحدي!!!! و زيد هادي تاع الولاد أكبر مصيبة واش ندير بالله عليكم؟؟ هل أخبر أبي؟؟ و ان لم يصدقني؟؟؟ و هي ماذا عنها؟؟؟؟
أعطوني حل جزاكم الله خيرا