برنامجي لــ °°رمضــــان الكــــريم°°

[MERIEMESC]

[B] الســـــلام عليكم
وشراكم

راه بقالنا غير شوية على الباك
مزالت 17 يوم
لوكان نستغلوها افضل استغلال اكيد النتيجة ستكون في صالحنا نحن
نزيرو رواحنا هاد 17 يوم
و عندنا 4 اشهر او اكثر كامل للنوم و التحواس و و و
و يجب علينا ان نعلم ان البكالوريا ما هو الا عتبة تفصلنا على المستقبل
و فيها كل واحد او واحدة منا يحصد مازرع
شقوة 17 يوم من اجل ضمان حياة سعيدة
و كامل نقدرو نجيبو الباك
و اعتذر عن خروجي عن الموضوع علابالي نهدر بزاف الله غالب نفرغ قلبي
و الافكار غير متسلسلة الباك هبلني

اليكم برنامجي
النهوض على 10 علابالي منقدروش مي علاجال الــباك لازم نسوفرو شوية
المهم
10-----> 13 مادة ادبية ( شريعة - اجتماعيات - فلسفة )
13:30 ------> 17 مادة علمية ( علوم - فيزياء-رياضيات )
17:30--------> 19:30 حل بكالوريات لغات ( ادب - فرنسية - انجليزية )
نريحو نفطرو نصلو نرقدو 30 min و نوضو توصل 10
10---->12 مراجعة ما حفضناه صبااحا
12-----> 05 مادة علمية اكيد بين ساعة و ساعة تستريحو 5 min
و نرقدو 5 سوايع اظنها كافية

انصحكم بعدم اتباع مسلسلات و التخلي عن الفيس بوك باسكو يديرو بزاف اشاعات و تولو نتوما تخمو و مخليين قرايتكم
بدل المسلسلات اتفرجو رحلة في الذاكرة او دروس في اليوتيوب تع الاجتماعيات
ابتعدو عن الاكل لي يثقلك اشربو العصير لتنشيطكم و انعاشكم

المهم خاوتي اذا عجبكم البرنامج قولولي و اذا لالا تاني قولولي نبدلو

بالتوفيق ان شاء الله لنا و لكم و ان شاء الله ربي يعطيلنا واش في قلوبنا في هذا الشهر الفضيل
تمسكو بالقران و صلو الصلاة في اوقاتتها و اكثرو الدعاء



[/ دعواـتـكم B]