السلام عليكم
هذا الموضوع لتصحيح مفاهيم كثيرة عن الزواج، و تدريب المقبلات و المقبلين على الزواج في هذا الموضوع
شرط الانضمام الى الدورة: السن من 18 سنة فما فوق ارجو من لا يتوفر هذا الشرط فيها لا تلتحق في الدورة مازال الحال على هذا الموضوع
الدرس الأوّل
لماذا نتزوج ؟
طبعا جا النهار لي قاتلك فيه يمّاك وجدي روحك راهم جايين ناس يشوفوك
ولاّ كنتي في عرس او معروضة وجاتك مرأة كبيرة أو اخت الرجل سقساتك اذا مخطوبة ولا لالا
او شخص تعرف عليك و قالك حاب نخطبك
ممممم اوكي
انتي واش حسيتي في هاذيك اللحظة ؟
هل حسيتي روحك راكي رايحة تدخلي لمرحلة جديدة في حياتك ؟
و طبعا سبب زواجك هو سبب صحيح او علاقة تعدّي ؟
يعني هل في حومتكم يتزوجو في هذاك العمر انتي لازم تتزوجي ؟
هل صحاباتك كامل تزوجو انتي لازم تتزوجي ؟
هل كرهتي ولا ملّيتي من داركم حابة تهربي مع زوجك تعيشي بعيد و تولي حرّة ؟
هل راح تتزوجي لاشباع رغبة الآخرين ولا راكي رايحة تتزوجي لنفسك ؟
لازم تعرفي أنو قرار الزواج خصو يكون منبثق من داخلك، من رغباتك و لتلبية احتياجاتك.
و الأسباب الصحيحة لي علاجالها نتزوجو هي :
اي لماذا نتزوج ؟
الجواب هو :
1- لنتكامل :
كي نتزوجو يكون تكامل بين الزوج و الزوجة في عدّة جوانب لي هي : الشرعية يعني الانسان يكمّل نصف دينه، الاجتماعية ببناء أسرة اذ يدعو الانسان دايما الله أن لا يذره فردا، المادية الدراسات تقول انو المتزوجين أكثر دخل من العازبين اذ الرسول عليه الصلاة و السلام يقول انو من الذين يستحقون المعاونة هوما الناكحين للعفاف يعني المتزوجين، العاطفية طبعا مكاش انسان ما يحلمش أنو يكون عندو طرف آخر في حياتو يجمعهم قلب واحد، الجنسية و هي غريزة ربي دارها فينا لكن أعطانا الحق فقط في اشباعها عن طريق الزواج، و جانب جد مهم لي هو تحقيقنا لذاتنا.
2- لنواصل :
باش نواصل حياتنا في: - استقرار نفسي و جسدي و اجتماعي.
- أمن العاطفي، الجنسي، المادي.
- اشباع في احتياجاتنا المختلفة الفيزيولوجية، الاحترام، التقدير
- حب
- صحة جسدية افضل و استقرار نفسي أمثل.
3- لنختتم:
بعد ما نعيشو عمر ان شاء الله مليئ بالنجاحات و السعادة لنختتم حياتنا في محيط دافئ، يرعانا، يصلّي علينا و يدعو الينا
( تقرير عن مشاركة سيئة )، و الموجودة أسفل كل مشاركة .
2017-04-03, 15:16
دورة تكوينية للمقبلين و المقبلات على الزواج ..... زُخْرُفَةٌ
العرض الشجري